No.3747/2021-2022

Aizawl the 21st January, 2022 : Tunlai hian Social Media-ah tanpui ngaite tanpuina tur vehbur khawn a lar hle a. Thenkhatah phei chuan tanpuina pawisa (Donation) petute tan an pek tam dan a zirin lawmman tha tak tak dawn let theihna chance awm ang hialin tarlan a ni thin a ni. Mipuite tan mi harsa leh vanduai zawkte puih theihna leh luan chhuahna remchang a nih rualin inbumna bawlhhlawh tak thleng thei a ni tih hriaa fimkhur tur leh mi rintlak tih hriat chiante hnenah chauh tanpuina pe thin turin Mizoram Police chuan mipuite a ngen a.

Hetianga online transaction (Gpay, bank transfer etc.) hmanga pawisa inthawn hi a awlsamin mi bum chingte (Scammers) tan pawh hmanraw remchang leh awlsam tak a ni thei tih hre tur leh fimkhur turin Mizoram Police chuan mipuite a chah mawlh mawlh a ni.