Zan khat riak tura Mizoram lokal, Development of North Eastern Region (DoNER) Minister Dr. Jitender Singh chuan vawiin khan Aizawl lo thlengin, tlaiah Chief Minister Pu Lal Thanhawla chu a chenna bungalow-ah a hmu. Chief Minister hian duhsakna thilpek alo hlan a, Mizoramah DoNER Ministry ina a hmalakna tlangpuite an sawi dun a ni.

Dr. Jitender Singh hian State Guest House ah Mizoram sorkar official pawimawh tak tak, Chief Secretary Pu Lalmalsawma ina a ho te chu Non Lapsable Central Pool of Resources (NLCPR) hnuaia project hrang hrang kalpui mekte chu sawihona a neihpui a ni. Naktuk hian DoNER Ministrya Joint Secretary Pu A.M.Singh hoin Mizoram sorkar official hotute nen DoNER Ministry hnuaia project hrang hrang kalpui mek te sawiho leh a ni bawk ang.

Dr. Jitender Singh hi Pu A.M. Singh bakah a Additional Private Secretary Pu M.Venkatesan in an rawn tawiawm a ni.