Tunhnai khan Minister of State (Independent Charge), Development of North Eastern Region (DoNER) leh Chairman North Eastern Council (NEC) ni bawk Pu Pawan Singh Ghatowar chuan Shillong thleng in NEC Pisa a tlawh a, NEC officials te a titi pui.

Pu Pawan Singh Ghatowar chuan NEC chu Hmarchak state hrang hrang te tan hmasawnna programme hrang hrang duan leh enzui te chu a hna lian ber te zing a mi a ni tiin NEC chu mini planning commission  ah a ngaih theih  thu a sawi. Minister hian DoNER Ministry leh NEC mawhphurhna hlen chhuah kawngah theihtawp a chhuah tur thu sawiin DoNER Project te a hun taka zawh ah nih theih nan state sorkar hrang hrang ten nen thawhhona tha neih a tul a ti.

DoNER Minister hian Rajiv Gandhi Indian Institute of Management Shillong in ‘Six Months Certificate Course on Tourism and Hospitality Management for the North- Eastern Region’ Hmarchhak zirlai te tan a bikin IIM Shillong in a buatsaih chu a hawng bawk. He Certificate Course hi Hmarchak-ah Tourism tihlar nan leh hemi lamah tui miten thiamna an neih belh theih nan buatsaih a ni.