No.1400/2021-2022

Aizawl the 15th July, 2021: Vawiin khan DoNER Minister thar Pu G.Kishan Reddy hovin India hmarchhak state Chief Minister leh an aiawhte chu Video Conference neih a ni.

Union Minister Pu G. Kishan Reddy chuan Space Technology tihchangtlun zel leh chu tangkai zawka hman a pawimawh thu te, India tan India hmarchhak state te pawimawhna thu te a sawi a ni.

Chief Minister Pu Zoramthanga pawh he hunah hian a tel a. North Eastern Space Application Centre (NESAC) hmang tangkai a, awmze nei zawk a Mizorama tuihna humhalh dan tur te, kan leilung riral nasa lutuk veng tura checkdam siamna hmunhma thlan dan tur te, kan sik leh sa danglam chho zel venhim dan tur te leh kan Tourism tihhmasawn chungchangte a sawi a. Union Minister thar hnuaiah hmarchhak state ten hmasawnna chak tak an hmuh a beisei thu a sawi bawk.

Vawiin meeting-ah hian Union Minister Pu Jitendra Singh pawhin India hmarchhak state-te sawrkar laipuiin a ngaihpawimawh thu te a sawi a ni.

Meeting-ah hian Chief Minister hi Additional Chief Secretary Pu JC Ramthanga leh Planning Secretary Pu Lalmalsawma Pachuau ten an tawiawm a ni.

Attachment

  • Loading attachment...