Union Ministry of Development of North Eastern Region (DoNER) Secretary Pu R.Vijaykumar, IAS chu ni li chhung cham turin vawiin khan Aizawl lo thlengin tlaiah Chief Minister Pu Lal Thanhawla chu a chenna bungalow ah a hmu nghal.

Pu R.Vijaykumar hi Mizoramah DoNER hnuaia Non LapsableCentral Pool of Resourses (NLCPR) leh NEC hnuaia project hmalak mekte thlithlai tura lokal a ni a. Vawiin vek khan Sihhmuia NLCPR hnuaia kalpui mek Suaka Cricket Stadium a endik nghal a. Naktuk atanga tunkar zirtawpni thleng khian hmalakna hrang hrang Chhingchhipa Sainik School sak mek te, Melriat Sub-Station te, Champhai collegea infrastructure development thawh mek te leh Selesiha Piggery Farm leh Vety Polyclinic te a endik ang. Chief Secretary hova sorkar mipawimawhte nen New Secretariat Complex ah naktuk hian meeting pawimawh tak a neihpui dawn bawk a ni.

Chief Minister a hmuhnaah hian Pu R.Vijaykumar hi Mizoram sorkara Planning Secretary Pu Vanlalramsanga, IES in a rawn tawiawm a ni.

Attachment

  • Loading attachment...