Vawiin hi khawvel pumah International Nurses day a nih angin hemi pual lawmna inkhawm hi Aizawl Civil Hospital Conference Hall, Block-J-ah neih a ni a. Dr.K.Ropari, Principal Director, H&FW chu Khuallian a ni.

International Nurses Day lawmna hun hi Mrs. Lalremmawii, Nursing Suptd. Civil Hospital, Aizawl in a kaihruai a, Pi Lalchawimawii ANS, Rtd. in Hunserh a hmang bawk. Hemi hnu hian Mrs. Mary Ramtei Pachuau, Nursing Suptd.hnen atangin Nurses Day Theme : A Force For Change : care Effective, Cost Effective sawihawnna Powerpoint Presentation hmangin thlir leh ngaihthlak a ni a. Kum 2014-2015 chhunga Nurse thawk tha ber Pi Khawlliani hnenah Khuallian Dr.K.Ropari'n chawimawina thuziak a hlan bawk. He hunah hian zaithiam zai leh Lemchan hmuhnawm tak tak te thlir ho a ni.

He huna thusawitu Dr.K.Ropari chuan Nurses Day lawmna tluang taka neih a ni chu lawmawm a tih thu sawiin Nursing Profession chu hna zahawm leh pawimawh a nih zia te a sawi a. Nurse te chu Doctor te ai pawha damlote tana an pawimawh thu te sawiin CHC, PHC leh Civil Hospital a ni emaw, khawi hmunah pawh awm se la, eng level-ah pawh hman tlaka awm zel tura fuihin Doctor te nena thawhhona tha siam zel turin a chah bawk. Pi K.Ropari chuan harsatna an nei a nih pawhin a hnena thlen thin tur leh theihtawp chhuahpui a inhuam reng thu a sawi bawk a ni.

Aizawl Civil Hospital Nurse te hian He ni pual atan hian kum dang ang bawkin Day lawmna puala luanchhuahna hun an hmang a. Nimin lam khan Chief Minister Office leh Millenium Centre lamah a thlawnin Blood Sugar leh BP check in hun an lo hmang tawh a ni.