2664/2026-2027

Dated Champhai, the 14th October, 2026 : Vawiin khan ni hnih awha lo zin Pu Srinivas R. Katikithala, Secretary, Ministry of Development of North Eastern Region, Govt of India chuan Keilungliah Dam leh Zokhawthar a tlawh a. DoNER Secretary hi Pu Nilambuj Sharan, Sr Economic Adviser, Ministry of DoNER, Pi Ramdinliani, Secretary, Agriculture & Farmers’ Welfare Department, Pi Maria CT Zuali, Secretary, Horticulture Department leh district official dangten an tawiawm a ni. 

Keilungliah Dam hi Champhai khawpui tui mamawh leh thal laia kuthnathawktute tui mamawh phuhruk nan te, lenkhawthawnna leh khualhip nan te, sanghate khawia eizawnna tihhmasawn nan te, khawpui timawitu leh sik leh sa tinuamtu atantea ruahman a ni a. He dam-ah hian Eco Resort Experience at Keilungliah tih hming puin Tourism Department hnuaiah Swadesh Darshan 2.0 fund hmangin hma lak mek a ni a. Eco Resort Experience-ah hian cottage te, naupang infiamna hmun te leh khualzin mamawh hrang hrang siam a ni dawn a Hemi hnu hian Zokhawthara Assam Rifles hmunah AR hotute nen an inkawm a. Zokhawthar Land Custom Station tlawh lehin, Station-a thawktuten an hnathawh dante an hrihfiah a ni.