Department of Personnel & Administrative Reforms chuan ni 19^th September, 2017 (Thawhtanni) khan a hnuaia mi ang hian Office Memorandum a chhuah a ni :

Administrative Head leh Head of Department ten an hriat tur chu Officers thenkhatin an hnuaia subordinate staff, a bik takin Muster Roll Employee te chu sorkar hna piahlam anmahni mimal (private) hna an thawh tir thin a. Hetianga subordinate staff-te office hun chhunga mimal hna khawih tir hian sorkar hna kal lai a tithuanawp thin a. Chu bakah, subordinate staff-te private hna, kuthnathawk ngai, inchhung hna leh thildangte thawh tir an ni hian an taksa leh rilru nasa takin a tihnual thei a. Chuvangin subordinate staff-te private hna thawh tir hi sorkar officer-te tih atana mawi lo leh sorkar laka rinawm lohna a tling a ni.

Chuvangin, sorkara a kaihhnawih thuneitu ten subordinate staff, a bik takin Muster Roll Employee te, mimal hna thawh tir an awm a nih chuan titawp nghal tura hriattir an ni a. He thupek zawm duh lote chu sorkarin ngaimawha neiin an chungah disciplinary action a la thei a ni.

He thupek hian DP&AR(ARW)-in tul a tih anga a phal chin Household Muster Roll Employee-te erawh a huam lovang.