No.565/2021-2022

Lunglei the 18th May 2021 - Covid - 19 hrileng avanga Mizoram hmun hrang hrangah harsatna kan tawh mek karah rim tak leh hah taka mipui himna atana thawk tu LLTF & VLTF te hnenah tanpuina sem mek zel a ni a. Lunglei South Bialtu MLA Dr K Pachhunga pawhin a bial chhung khaw 37 VLTF te hnenah an mamawh zualpui tur hmanrua -Mask,Hand Sanitizer, Tarpaulin  leh sumfai engemaw zat te semna a nei mek.

Vawin ni 18.5.21 khan Lunglei South khawpui chhung heng Salem veng, Lunglawn, Sethlun, Theiriat, Luangmual leh Hrangchalkawn ah te VLTF te hnena tanpuina hi sem chhunzawm a ni.

Dr K Pachhunga hian a bial chhung khaw hrang hranga chhungkaw chhawmdawl ngai te hnenah MLA BUHZEM tiin relief sem turin ruahmanna a siam mek bawk a. Heng relief tur te hi veng tin VLTF in an lo thlangchhuak dawn a ni. Bialtu MLA chuan a bial chhung veng leh khaw tina VLTF te hmalakna chu fakawm tiin an inpekna leh thawhrimna avangin an chungah lawmthu a sawi a.  Engpawh mamawh leh harsatna an neihte inthlahrung lova a hnena thlen vat turin a chah bawk a ni.


Attachment

  • Loading attachment...