1088/2022-2023
Lunglei the 29th, June' 2022 : Vawiin khan Lunglei South bialtu MLA leh Vice Chairman, Mizoram Bamboo Development Board, Govt. of Mizoram chuan a bial chhung Bualte khuaah Triple Championship - Lunglei District ramkang veng tha, Emily Varparharsiengmawii Memorial football leh Football Festival Zobawk 'S' under 12 pakhatna nihna lawmna a hmanpui.

Triple Championship lawmna inkhawm hi Pu Malsawmkima, Chairman Organising Committee chuan kaihruaiin Dr.K. Pachhunga chuan thusawiin Bualte khua hi inlungrual in ni tih ka hriat in ka lawm hle a, malsawmna dawng a hmasawn zel tur hian inlungrualna hi theihnghilh lo turin a chah a, zirlai naupang te hi officer lian in ni thei a, in tum tlat chuan eng pawh in ni thei tih hre reng ula, taima tak a lehkha zir zel turin duhsakna ka hlan bawk a ni. Bualte khaw pa in kan State Animal Saza hliam a enkawl a buaipui thu Mizoram hmun hrang hrang atanga hriat a ni hi lawmawm a ti tak zet a, nungcha, thing leh mau lakah nunrawng lovin, a theih chin chinah humhalhtu ni zel turin a chah a ni. Kangmei chhuak thei tur venghimtu khaw thawk tha ber an ni hi a chhuang tak zet a, Bualte khuain a tha zawng a thang an chhuah hi a lawm hle a ni a ti bawk.

Health Care Scheme chungchang sawiin Asian Development Bank(ADB) atangin cheng vaibelchhia 1000 Mizoram sorkarin a hmuh tur thu a sawi bawk.

Pu PC. Lalramnghaka, President LDFA chuan Bualte GSA te hnenah Football jersey set khat a pe a, Lunglei DFO Pu PC Lalchhandama, IFS pawhin fuihna thuchah a sawi bawk.