Nimin khan Social Welfare & Tribal Affairs Department leh Art & Culture Department buatsaih ni hnih awh Pawl Kut hawnna programme chu Minister of State, Social Welfare & Tribal Affairs Dr. K. Beichhua'n Kut Thlengtu niin Lammual ah a hmanpui.

Pawl Kut hawnnnaah Minister of State, Social Welfare & Tribal Affairs Dr. K. Beichhua chuan Pawl Kut chu naupangte puala Kut anih dante sawiin kan pi leh pute nundang phungte, hmanlai naupangte  intihhlimna chi hrang hrangte, min thlahtu ten ram leh hnam chhan nan lu chhum ban chhum pawh huama anlo beih dante kan hriatreng nan an lo buatsaih thin a ni, a ti a. Pawl Kut hmanna chu Mizo nun zemawi leh hnam ziarang hnam dangin an neih ve loh te thang leh thar tan an chhawmnun zel theih nan culture humhalhna tha tak a nih thu a tarlang a. Naupang ten Mizo hnam tihdan hrang hrang an zira, an hriat theih nan intihsiakna hrang hrang buatsaih anih thu te sawiin Sawrkarin Mizo nunphung, ziarang leh chin dan tha te chu  chawimawi leh chawinung chhoh a tum tlata, chuvangin Pawl Kut hmanna hi buatsaih a ni, a ti.

Pawl Kut denchhenin Middle School leh High School zirlai naupangte tan Mizo hnam lam leh pipu zai intihsiakna te, Mizo infiammna chi hrang hranga intihsiakna te bakah painting competition, Mizo ei leh in phochhuah nate, photo leh handloom exhibition te buatsaih a ni.