Vawiin khan Agriculture Developemnt board Vice Chairman Pu H Biakzaua Lawngtlai East bialtu MLA ni bawk chuan a office a luahlut a,Office luahluhna hun hmanah hian Rev Zionvarmawia Fanchun Administrative secretary LIKBK chuan hunserh hmangin Pisa thar hlanna hun hi a nei a ni.He Office luah tanna hun buatsaih hi State Planning Board Vice Chairman Pu H Rammawian a kaihhruaia Agriculture Development Board Chairman leh Agriculture Minister ni bawk Pu C.Lalrinsanga leh Mizoram MYC Chairman Dr Vanlaltanpuia bakah Department lam official leh Agriculture Development Board members te an tel a ni.

Agriculture Development Board Vice Chairman office luah tanna hun telpuitu Agriculture Minister leh Agriculture Development Board Chairman nibawk Pu C.Lalrinsanga chuan thusawiin ,'Kan ramin kawng hrang hranga hma a sawnna tura rawngbawl hna thawktu tur Sawrkarin Board hrang hrang a siam hi a lawmawm hle a,hei hian Mizoram sorkarin hnathawh tak tak a tum zia a tilang a ni.Agriculture Department thawktute inpekna hi a fakawm a, an thawhrimna zarah Agriculture hmasawnna kawngah Mizoramin hmelthar a hmuchho zel a ni.He Ministry in a tum lian ber pakhat chu Ei leh bara intodelh a ni a,chu chu Kan Chief Minister zahawmtak pawhin a ngaipawimawh hle a,chumi atana ke kan penna turah  Kan Chief Minister pawhin min phurpui hle a,a inhawnnaah  lawmthu ka sawi duh a ni." ati.

Agriculture Minister chuan ,"Kan choka-a min chenchilh mektu kan mikhual ramdang atanga kan chawk luh kan choka uaptu Aieng,Dal,Alu leh Tel te hi kan indotelh a kan khawtual ngeia tharchhuah kan hman theihna turin sorkar  chuan tan ala dawn a ni a ti bawk.

Minister chuan Agriculture lama thiam thil zirna  Integrated Training Centre (ITC), Hnahthial a mi tih changtlunna tur pawh tunhnaia Chief Minister hoa Council of Minister thukhawmin a pawm tawh thu sawiin Mizoramin Agriculture lamah hmasawnna atana mellung pawimawh tak anih a beisei thu a sawi bawk.

Agriculture Devolopmemt Board Vice chairman Pu H.Biakzaua pawhin thusawiin," Mizoram sorkar Chief Minister zahawmtak Pu Zoramthanga kaihhruaiin ramtana rawngbawlna zauzawk kawng a hawn saka Board Vice chairman-a dah anih chu lawmawm a tih thu sawiin,Kan tha leh zungte ram mipuite tana hmang turin he Board  hian ke pen kan tumdawn a ni.Agriculture chu mitin mamawh department pawimawh bik a ni a,kan ram Sorkarin hnathawhkawr min haktir ang ngeiin Ei leh bar a kan lo intodelh zawk nan Agriculture development board hian rah tha a chhuah ngei ka beisei a ni" a ti bawk

Agriculture Development Board Vice Chairman office luah inkhawm hi Lairam Isua Krista Baptist Kohhran Aizawl Bialtu Pastor Rev SL Lalpuilianan malsawmna in a tin a ni.