Higher & Technical Education Minister Dr.R.Lalthangliana chuan nimin khan Govt. Aizawl West College Dawrpui Vengthar tlawhin College Building tih changtlun dan tur leh khawtlang mamawh te a en.

H&TE minister hi Aizawl West II Bialtu MLA Rural Development Minister Pu Lalruatkima leh Serlui Bialtu MLA leh Serlui Bialtu MLA leh Aizawl West College Alumni hruaitu ni bawk Pu Lalrinsanga Ralte bakah Official thenkhat ten an tawiawm a. Dawrpui Veng khawtlang hruaitu te leh Govt. Aizawl West College Principal Dr.P.Lalremliana leh a thawhpui ten an lo dawngsawng a ni.

Dawrpui Vengthar Khawtlang hruaitute chuan Aizawl West College zauh nan vantlang ram chu hman an rem tih thu an sawi rualin building sak tharah chuan khawtlang mamawh Sub-Centre, Local Council House leh Tui bill pekna, PHE Site Office te awm thei se an duh thu sawiin heng te hi dah anih theih chuan vantlangin an tangkaipui tur thu H&TE Minister  Dr. R.Lalthangliana chu an hrilh a ni.

H&TE Minister Dr R.Lalthangliana chuan Govt. Aizawl West College  building tih changtlunna tura RUSA atanag cheng nuai 160 an hmuh chu hman loh chuan liam mai tur 'lapse' thei a nih vangintangkai taka hman dan tur dap tula tih thu a sawi a, Khawtlang in an duhdan an thlente chu uluk zawka sawihona neih leh nise tha a tih thu a sawi.

Bialtu MLA Minister ni bawk Pu Lalruatkima chuan Aizawl tlak lam a, zirna in sang awm chhun Govt. Aizawl West College chu a hmun hmain duh angin an zo tawh lo deuh tih sawiin  an harsatna te en, a hmuna H&TE Minister in a en thei chu lawmawm a tih thu a sawi a. AMC Ward No. 12 Councillor Pu R.Thanglura pawhin Zirna in sang tih changtlunna leh vantlang tana tangkai tura ruahmanna an neih te chu H&TE Minister hnenah athlen bawk a ni.

Nimin vek khan H&TE Minister Dr R.Lalthangliana chuan Govt. Mizoram Law College a tlawh bawk a ni.