4931/2025-2026

Champhai, dated 19th March 2026 : Adviser to Chief Minister (Implementation of Handholding Scheme) Dr KC Lalmalsawmzauva chuan vawiin khan Integrated Industrial Development Centre, Zote hmunhma chu a hmunah kalin a enfiah a, IIDC-a Industry din tura plot an pek tawh te chuan an dil ang ngei a, an project tan thuai se a duh thu a sawi a, tui leh eng mamawhna phuhru tur a awm thuai theih nan hotu sang zawk a thlen tur thu a sawi a, IIDC hmun hi enterpreneur tam zawk ten an hman tangkaia plot la awl te chu tih tak takna nena bul tan duh tute tan a pek a that thu leh Champhai District Industrial Committee chu lo thu thuai se a duh thu a sawi bawk.

IIDC, Zote a Flatted Factory sak mek pawh tlawh nghalin, tangkai taka Entrepreneur ten an hman a, mipuiten a hlawkna an chhawr thuai theih nan hnathawh tur hmabak la awm te chuan zawh a nih huna thuai theih nan Commerce & Industry Department hotute chu chak taka hma la turin a chah bawk a ni.

Adviser to CM hian IIDC, Zote a tlawh hnu hian Tualcheng, Sawhthing Secondary Collection Centre a tlawh a, SCC enkawltute kawmna neiin an hmalak tawh dan leh an hma chhawp te a enpui a, kuthnathawktu ten an thawhrah an hmuh ngei theina turin dik leh felfai taka thawk tur leh thlirlet leh theih tura document tha taka vawng turin SCC enkawltute chu a chah bawk a ni.

Vawiina Adviser to CM in IIDC, Zote leh Tualcheng a tlawhnaah hian Pu Mohammad Aaquib DC, Champhai, Pu Zohmingthanga, Pi Laldikkimi MSPCC member leh Pu Vanlalpara DCIO, Champhai ten an tawiawm a, Adviser to CM hian zanin hian Tualcheng khawtlang hruaitute leh tlawmgaipawl hrang hrangte a kawm a nga, a tuk March ni 19, 2026, Zirtawpni ah Hnahlan Secondary Collection Centre a tlawh leh dawn a ni.