4930/2025-2026

Lunglei, 2026 Vau thla ni 19: March ni 16–18, 2026 chhung khan Mizoram State Project Monitoring Committee (MSPMC) Inspecting Team-te chuan Mizoram chhim lam leh chhimthlang lama hmasawnna hna thawh sector hrang hrang project 16 an endik a. MSPMC Inspecting Team hi team hnihah inṭhenin, Team-I hi MSPMC Member Er Sanghrima Chongthu chuan hovin, Pu B. Lalkhawngaihzuala (Member) leh Er Remlalmuanpuia (PA to Vice Chairman) te an tel a. Team-II hi MSPMC Secretary Er Lalthanzuala Ralte chuan hovin, Er H. Laldintluanga (Member), Er Joshua Thangliana (PME, PIME Unit, P&PI Department) leh Pu Lalthlamuana (LDC) te an tel.

MSPMC Inspecting Team-I-in project an endikte chu: 

(1) Construction of 50 Bedded District Hospital, Hnahthial South-I Veng 

(2) Construction of Solid Waste Management Centre, Lawngtlai–IV 

(3) Upgradation & Maintenance of Diltlang to Chawngte 'P' Road (0.00–28.94 kmp) FC, CD, PW, Pavement 

(4) Improvement of Chawngte to Borapansuri road (0.000–30kmp), Lawngtlai District CADC 

(5) Construction of Galvanized Steel Concrete Composite Bridge over Boranpansuri River (NABARD Loan) 

(6) Solid Waste Management Centre, Pukpui, Lunglei

MSPMC Inspecting Team-II-in an endikte chu: 

(1) Upgradation & Maintenance of Bolia–Thenhlum road (0/00–16/230kmp) from Thenhlum Side 

(2) Construction of Steel Trust Bridge over R. Tuisen @40/200kmp (PMGSY–III) 

(3) Construction of Steel Trust Bridge over R. Zawlpui @31/700kmp (PMGSY–III) 

(4) Construction of Steel Trust Bridge over R. Tuipawl @28/400kmp (PMGSY–III) 

(5) Construction of Steel Trust Bridge over R. De @17/20kmp (PMGSY–III) 

(6) Construction of Steel Trust Bridge over R. Sailungrek on P–T road @0/610kmp. (PMGSY–III) 

(7) Upgradation and Maintenance of Phairuang–Thenhlum road (0/00–48/77kmp) from Bolia Side 

(8) Construction of Solid Waste Segregation at Tlabung 

(9) Construction of Higher Secondary School Building at Tlabung 

(10) Follow-up Inspection of Construction of Concrete Gravity Impounding Dam at Tlawng River/Pialthleng

MSPMC Secretary Er Lalthanzuala Ralte chuan hna thawh ṭha lo lai zawng chhuak tur ni ringawt lovin, hna thawktute'n harsatna an neihte hmuhpui tur leh a chin fel dan kawng inkawhhmuh tura hna endik an nih thu a sawi a. Hna hrang hrang an endikte chu kawng siam ṭhat, lei dawh, bawlhhlawh sawngbawlna, sikul sak hna leh tui khuah hna te a nih angin mipui tan leh ram hmasawnna tura hna pawimawh tak tak a nih thu sawiin, hna hrang hrang chu a hun takah, a ṭha thei ang bera thawh zawh ni se an duh thu a sawi a. Team-I Leader Er Sanghrima Chongthu pawhin hna a nih dan tur tak leh a zawh hun tur dik taka thawh zawh chu an ngaih pawimawh leh hna thawktute pawh an chah ṭhin a nih thu a sawi.

Lunglei khawpui tui lakna Tlawng/Pialthleng luia tuikhuah siam mek hi a thuk zawng meter 13 niin, tui chim chin tur hi metre 12 a ni a; kilometre 1.360-a thui tling li tura ngaih niin, tui tam laiin tui litre maktaduai 240 khuah tlin theih tura ngaih a ni a. Tui khuah hna hi zawh thawkhat niin, Spillway leh Apron siam leh tur a ni a. Hei hi kumin March thla chhunga zo fel tura tih a ni.

Lunglei khawpui bawlhhlawh sawngbawlna tur, Solid Waste Management Centre, Pukpui daia sak mek hi Swachh Bharat Mission (Urban) 2.0 leh ringfenced fund aṭanga cheng nuai 385.6 senga thawh a ni a. Tunah hian 50% vel hna zawh tawh niin, August 2026 hi zawh hun tura bituk a ni.

MSPMC Team-te'n he'ng project an endik tam zawk hi Mizoram mipui mamawhna sang tawh tak kara beisei anga hna thawh chak si lote a ni hlawm a. Inspecting Team hi department ai awhte, hna thawktu contractor-te, khawtlang hruaitute, tlawmngai pawl ai awhte leh MJA te'n ṭawiawmin, harsatna hrang hrang leh chak zawka hna thawh a nih theih nana rawtnate an sawi ho va. MSPMC Inspecting Team chuan he'ng project hrang hrangte hi quality ṭha tak leh a hma thei ang bera mipui hman ṭangkai theih tura zawh a nih theih nan contractor-te chu ṭan la tura chahin, rawtna hrang hrang an neihte an hrilh a ni.