No.701/2021-2022
Lunglei the 27th May 2021 - Dr K Pachhunga Lunglei South bialtu MLA chuan vawiin khan a bial chhung Covid Care Centre ( CCC ) Polytechnic Lunglei chu a hmunah a va tlawh a. CCC dinhmun leh mamawh te a ngaihven.
Dr K Pachhunga hi CCC Polytechnic-a duty doctor ten lo dawngsawngin CCC dinhmun tlangpui Bialtu MLA hi an lo hrilh a. Tun dinhmunah Covid positive mi 58 an awm thu leh chung zingah chuan puitling 56 leh naupang pahnih an nih thu an lo sawi a. CCC a mamawh chungchangah chuan Tui chawi motor a chhiat avanga tui a an harsatna leh tui dahkhawlna tur an neih that loh chu an buaina zualpui anih thu an lo sawi a. Heng CCC a harsatna an tawh te chu Dr K Pachhunga chuan a hma thei ang bera chinfel sak an nih tur thu a hrilh a ni.
Dr K Pachhunga chuan a bial chhung Quarantine Centre Luangmual tlawh nghalin Duty te an mamawh a hman tur pawisa fai a hlan a. Tun dinhmunah Luangmual quarantine centre mi 12 an awm mek.
Tin, a bial chhunga National Highway & Infrastructure Development Corporation Ltd NHIDCL hnathawh mek a enfiah bawk a. 3-Gate to AOC kawng chei that hna May ni 25,2021-a bultan chu MLA leh amah zuitute chuan an enfiah a. Helai kawngah hian lined side drain leh resurfacing hna thawh tum a ni.
Attachment
- Loading attachment...
