Vawiin chawhma khan Saiha Circuit House-ah Dr.K.Ropari, Principal Director, Health &Family Welfare Department hovin Saiha District-a IMR (Infant Mortality Rate ) sang lutuk chungchangah Saiha NGO te nen meeting an nei.

He meeting-ah hian Pi Ropari chuan sawrkarin IMR tihniam tura a hmalakna hrang hrang leh NHM (National Health Mission) hnuaia hnathawh tur hmachhawp hrang hrangte a tarlang a.Sawrkarin Saiha District-a IMR tihniam tura theitawp a chhuah mek thu sawiin, tunah hian Pediatrician pawh a lo dah tawh a, Gynaecologist erawh an rawn dah hmasak in a hna a bansan atang khan ; tun maia dah tur an awm rih lo a ni, a ti. Tunah hian NHM atangin Gynaecologist rawih tur, hlawh tha zawk pawh pek huamin, an zawng reng reng thu leh an la hmu zo lo a ni, a ti bawk.