Vawiin April 3, 2009 hian Dr. Lalliana Mualchin, Seismic Consultant to the Government of Mizoram chuan Disaster Management & Rehabilitation Conference Hall, Chawnpuiah Mizorama Geologists te leh mi thiamte a kawm. He inkawmhona hi Pu C.Ralkapa, Director, DMR-in kaihruaiin, Geologist rual te, Engineer hotu te, Agriculture lama hotu thenkhatte, Scientific Officer ho mi 10 rual an tel a ni.
Dr. Lalliana Mualchin chuan Mizoram chu India ram hmar chhak State dangte nen lirnghing hlauhawm ber (Zone V)-a awm a nih avangin eng hun pawha lirnghing rapthlak tak thlen theihna hmun a nih thu te, chutiang chhiatrupna lo thlen palha chet kan lak dan tura mitin fimkhur a, hriatna zau neih a tulzia thu te a sawi a; Pathian zarah lirnghing rapthlak tak thleng rih lo mahse, chutiang harsatna hmachhawn tura lo inbuatsaih a, mi thiamte thurawn ngaichang thiam a tul thu a sawi.
Dr. Lalliana Mualchin hi Mizoram chhim tawp lam Vawmbuk khuaa lo piangin a lo seilian a; America (USA)-a lehkha zirin kum 1974 khan Ph.D. (Geophysics) a zova; chumi hnuah hna pawimawh hrang hrang rei tak a thawh hnuin tunah Mizoramah a lo chuang chhuak a ni. Amah hi Mizo zinga Scientist hmasa ber leh ropui bera sawi theih a ni. Amah hi USA-a Lirnghing lama mi thiam vawr tawp zinga mi niin, Chief Seismologist, California-a Transportation Department atanga pension tawhin, tunah hian Mizoram Sorkarin Seismic Consultant atan a dah mek a ni. Asia ram hrang hrang Japan, China, India leh South East Asia ram tam takah hna pawimawh tak tak, Visiting Professor leh hna dang tam tak lo thawk tawh a ni bawk.
Dr. Lalliana Mualchin hi Mizoram chhim tawp lam Vawmbuk khuaa lo piangin a lo seilian a; America (USA)-a lehkha zirin kum 1974 khan Ph.D. (Geophysics) a zova; chumi hnuah hna pawimawh hrang hrang rei tak a thawh hnuin tunah Mizoramah a lo chuang chhuak a ni. Amah hi Mizo zinga Scientist hmasa ber leh ropui bera sawi theih a ni. Amah hi USA-a Lirnghing lama mi thiam vawr tawp zinga mi niin, Chief Seismologist, California-a Transportation Department atanga pension tawhin, tunah hian Mizoram Sorkarin Seismic Consultant atan a dah mek a ni. Asia ram hrang hrang Japan, China, India leh South East Asia ram tam takah hna pawimawh tak tak, Visiting Professor leh hna dang tam tak lo thawk tawh a ni bawk.
