Vawiin zing dar 10.00 atang khan Mizoram Bharat Scouts & Guides te chuan Faina Hapta bul tanna atan Aizawl khawlai dung thenfai hnatlang an nei a; hetah hian Scouts & Guides leh Rovers te, Commissioner te an thawkchhuak tha hle a; an vaiin mi 700 vel an ni. He hnatlang hi Urban Development & Poverty Alleviation (UD&PA) leh Local Administration Department (LAD) ten an buaipui a; bawllhlawh phurhna motor an ruahmansak bakah, chhun thingpui an buatsaihsak bawk a ni.
Zing dar 10.00 khan Mizoram Bharat Scouts & Guides member-te chuan starting point 4 – Vaivakawn, College Veng, Chanmari leh Kulikawn atangin kawng dung an rawn zawh tan a; Treasury Square-a Secretariat Annex-I tualah an intawkkhawm a ni. He hnatlangah hian school 27 atangin scouts & guides member-te an thawkchhuak a ni.
Hnatlang zawhfel a nih hnu hian Treasury Square-a Secretariat Annex-I ah inkhawm tawite buatsaih a ni a; he inkhawm hi Pu Lalringa Sailo, Deputy Director, UD&PA chuan a kaihruai a; Pu K. Lalthawmmawia, Jt. Director (Adm.), UD&PA chuan thuchah tawi a sawi. Pu K. Lalthawmmawia chuan, “Mizote hian mahni taksa vawn fai kawngah chuan inzirtir kan mamawh tawh vak lo a; nimahsela khawlai leh vantlang hmun vawnfai kawngah erawh chuan inzirtir kan la ngai nasa hle. Mahni in leh lo kan kal pelh ve leh faina hi kan thlauhthla thin niin a lang” a ti. Bharat Scouts & Guides member-te chu mite entawntlak leh zirtirtu ni turin a fuih a, “Mizoram hi ram nuam leh thianghlim, ram pawn lam mite pawhin an tlawh chak a nih theihna turin faina kawngah scouts& guides member-te hian mite in zirtir a tul a; a huho mai ni lovin, mimal ang pawhin in awmna apiangah entawntlaka awm zel turin ka chah duh che u a ni” a ti.
Pi Lalliantluangi, State Secretary, Mizoram Bharat Scouts & Guides pawhin report pek paha lawmthu sawiin, “Kum 5 kal ta atang khan LAD te nen faina chungchangah hian kan lo thawkho tawh thin a; kuminah pawh hian State Executive Council-in a lo rel tawh angin Mizoram sawrkar-ah Faina Hapta chhunga theih tawp chhuah kan inhuam thu kan thlen a. Chutiang tak chuan vawiinah UD & PA nena tang dunin hnatlang hlawhtling tak kan nei leh thei ta a ni” a ti. Pi Lalliantluangi chuan, “Faina Hapta chhunga Mizoram Bharat Scouts & Guides tih ve theih chhunte chu tlem hle mah se, mipuite hnena faina chungchanga a taka zirtirna thehdarhna hmanraw tangkai tak a nih avangin kan tih ve theih tawk hian mipuite thinlungah faina leh thianghlimna chi tha a tuh ngei kan beisei a ni” a ti bawk.
Vawiina Mizoram Bharat Scouts & Guides member hnatlangte hian kawng dunga bawlhhlawh tenawi- meizial bung leh sikret kawrte thlengin an chhar fai a; faina chungchanga inzirtirna thuziak pawh kawng kama dawr neitute hnenah an sem bawk a ni.
Hnatlang zawhfel a nih hnu hian Treasury Square-a Secretariat Annex-I ah inkhawm tawite buatsaih a ni a; he inkhawm hi Pu Lalringa Sailo, Deputy Director, UD&PA chuan a kaihruai a; Pu K. Lalthawmmawia, Jt. Director (Adm.), UD&PA chuan thuchah tawi a sawi. Pu K. Lalthawmmawia chuan, “Mizote hian mahni taksa vawn fai kawngah chuan inzirtir kan mamawh tawh vak lo a; nimahsela khawlai leh vantlang hmun vawnfai kawngah erawh chuan inzirtir kan la ngai nasa hle. Mahni in leh lo kan kal pelh ve leh faina hi kan thlauhthla thin niin a lang” a ti. Bharat Scouts & Guides member-te chu mite entawntlak leh zirtirtu ni turin a fuih a, “Mizoram hi ram nuam leh thianghlim, ram pawn lam mite pawhin an tlawh chak a nih theihna turin faina kawngah scouts& guides member-te hian mite in zirtir a tul a; a huho mai ni lovin, mimal ang pawhin in awmna apiangah entawntlaka awm zel turin ka chah duh che u a ni” a ti.
Pi Lalliantluangi, State Secretary, Mizoram Bharat Scouts & Guides pawhin report pek paha lawmthu sawiin, “Kum 5 kal ta atang khan LAD te nen faina chungchangah hian kan lo thawkho tawh thin a; kuminah pawh hian State Executive Council-in a lo rel tawh angin Mizoram sawrkar-ah Faina Hapta chhunga theih tawp chhuah kan inhuam thu kan thlen a. Chutiang tak chuan vawiinah UD & PA nena tang dunin hnatlang hlawhtling tak kan nei leh thei ta a ni” a ti. Pi Lalliantluangi chuan, “Faina Hapta chhunga Mizoram Bharat Scouts & Guides tih ve theih chhunte chu tlem hle mah se, mipuite hnena faina chungchanga a taka zirtirna thehdarhna hmanraw tangkai tak a nih avangin kan tih ve theih tawk hian mipuite thinlungah faina leh thianghlimna chi tha a tuh ngei kan beisei a ni” a ti bawk.
Vawiina Mizoram Bharat Scouts & Guides member hnatlangte hian kawng dunga bawlhhlawh tenawi- meizial bung leh sikret kawrte thlengin an chhar fai a; faina chungchanga inzirtirna thuziak pawh kawng kama dawr neitute hnenah an sem bawk a ni.
