Vawiin khan Mizoram puma Rural Bank Manager-te chuan I&PR Conference Hall-ah ni 3 awh tur Seminar-cum-Performance Review an nei tan.
He Seminar hi Mizoram Rural Bank Chairman Pu J. Thantlinga’n a hmanpui a, he hunah hian an hnathawh thla 3 chhung thlirletna leh sorkar scheme kalpui dan thlirletna te an nei a ni. Hei bakah hian mipuite nena inthlunzawm dan turte ngaihtuahin pawisa dah kher lova Account hawn tir (Vohbik Account) dan te an ngaihtuah a. Mipui hnenah loan tam zawk pek dan turte leh bank hman tangkai dan a tam thei ang bera hriattir thaa an hriat thu an sawiho bawk. Bank-a thawktute chu mipui ngaihnat leh nel zawnga awm thiam tura infuihna te leh mahni hmun theuhva mipui tana tangkai thei ang bera awm thiam tura infuih tawnna te an nei bawk a ni.
Mizorama Rural Bank hian Head Office 1, Branch Office 60 leh thawktu 217 a nei a. Tun thla ni 25.9.2009 khian Dinthar Veng-ah Regional Office hawn tum a ni bawk. Ni 31.8.2009 thlenga Deposit an hmuh zat chu Rs.387 crores a ni a, Loan an pek chhuah zat chu Rs.196 crores a ni.
Mizorama Rural Bank hian Head Office 1, Branch Office 60 leh thawktu 217 a nei a. Tun thla ni 25.9.2009 khian Dinthar Veng-ah Regional Office hawn tum a ni bawk. Ni 31.8.2009 thlenga Deposit an hmuh zat chu Rs.387 crores a ni a, Loan an pek chhuah zat chu Rs.196 crores a ni.
