Vawiin hian Dr. Lalzirmawia Chhangte, IAS chuan sawrkar thuchhuah No. A. 32013/10/2019 - P&AR (CSW) dated 23rd December, 2019 angin Serchhip Bawrhsap mawhphurhna hna a la tan.

Dr. Lalzirmawia Chhangte hi thiamna lamah M.A, LL.B., B.C.S. PG Dip. in Pub. Admn.,D.Min. a ni a, kum 1965 ah Tarpho khuaah piangin tunah chuan PWD Tlang, Ramhlun Venglai, Aizawl-796012 ah an cheng a ni. A nupui hi Pi C. Lalhmunmawii niin fa pahnih, mipa pakhat leh hmeichhia pakhat an nei a ni. Kum 1991 ah MCS hmuin hna pawimawh tak tak engemawzat a chelh kual tawh a, chung zingah chuan Director, Sports & Youth Services te, Secretary, MPSC te, Secretary, P&E leh Secretary Art & Culture te pawh an tel a ni.

Nikum 3rd December, 2019 khan Ministry of Personnel, Public Grievances & Pensions, Department of Personal & Training, Government of India chuan Indian Administrative Service (IAS), AGMUT Cadre a rawn pe (appointment by promotion) a, ni 23rd December ah sawrkar notification hmangin a awmna tur siam niin Serchhip Bawrhsap hna chelh tura dah a ni ta a ni.

Dr. Lalzirmawia Chhangte hian DC charge hi mawhphurhna lo chelh lai lawk tu Pu Chuauhnuna, Addl. DC hnen atangin a la a, DC Office a officers te leh thawktu dangte nena inhmelhriatna hun te an nei nghal a ni.