No.1679/2021-2022

Mamit 3rd August, 2021: Dr. R. Lalthangliana, Hon'ble Minister Health & Family Welfare, Higher & Technical, Education, Commerce & Industries chuan vawiin khan Kanhmun khua-a Covid - 19 Screening Point leh ramria duty sipaite a tlawh a. Pu K. Lalrinliana, Supply Minister chuan a tawiawm bawk.

Dr. R. Lalthangliana chuan Kanhmun khua chu ramria awm an nih avangin thenawm State-te nena inkalpawh reng kan ni a, hri lakah pawh kan fimkhur a tul hle a ni tiin, kan thenawm state atanga rawn lutte'n Covid -19 an vei leh veiloh endikna hmun Screening Point a thawktute chu taihmak chhuah zel turin a chah a ni. Kanhmun Screening Point hi nikum July, 2020 atang khan mumal taka kalpui a ni a. Mi 14450 Screening neih tawh niin, mi 12122 RAgt test neih tawh niin Positive hmuhchhuah tawh zat hi mi 91 an ni. Kanhmun Screening Point ah hian Covid-19 hri darh tur veng tura hmalakna hi uluk taka kalpui a ni a, Tun hnaiah Bungraw phur Driver leh Handyman-te erawh Screening bak a ngaih tawhloh avangin kaltlang tir an ni. Kanhmun Screening Point hi Assam lam atanga luhna lamah siam a nih avangin Tripura atanga Mizoram luhna Langkaih Leiah Police duty point siama Motor rawn lutte pawh uluk taka chhinchhiahin Screening leh test kalpui a ni bawk.

Kanhmun Screening Point-a Covid - 19 hmuhchhuahte hi Mamit District chhunga Positive enkawlna hmun hrang hrangah dah an ni a, Kanhmun khua-a Positive-te enkawlna hmun 4C ah tunah hian hrikai mi 51 enkawl mek an ni.

Minister hian Kanhmun Screening Point-a Duty-te tan hian Rs 10,000/- Hand Sanitizer, Gloves thahnem tak a pe a. Kanhmun mipuite'n an mamawh an thlen Ambulance chu ngaihtuah tura enzui tum a nih thu a sawi.

Dr. R.Lalthangliana hian Assam leh Mizoram inrina Medili Lei tlawhin tunhnaia Assam lam nena boruak duhawmlo thleng chu pawi a tih thu sawiin ramria duty kan sipaite chu kan ram leh hnam chhan nana hma an lakna leh an thawhrimna chu fakawm a tih thusawiin anmahni tlawh hrim hrim chu tula a hriat avanga tlawh a nih thu a sawi a. Minister hian ramri-a duty sipaite chu rilru paukhuah tak pu a, kan ram leh hnam tana thawk zel tura chahin, kan rilru in a ngam na na ah chuan hnehna kan chan thin avangin ram mipuite'n thinlung taka kan thlawpna hre renga phur taka ram venhim hna thawk zel turin a chah a ni.

Pu Thangtea chuan Mizoram leh Assam inrina Medili lei lehlam panga Assam lamin kawng an block chu tha a tih loh thusawiin National Highway dan chah hrim hrim chu dan phalloh a nih thu a sawi a. Assam nena buaina awm mek chungchang pawh Sawrkar laipui lamah thlen zel a nih thu a sawi a. Kanhmun khawtlangte chu Tripura nen boruak tha kan neih chu chhawm nung zela, lo inkawm ngeih deuh deuh turin a chah a ni.

Minister hian ramri-a duty te tan hian Rs 10,000/- a hlan a. Suppy Minister hian tunhnaiah ramria duty-te tan hian Generator a lo hlan tawh bawk a ni.

Dr. R. Lalthangliana hi Dr. H.Lalchungnunga Director,DHS,H&FW Deptt, Dr T Lalhmangaihi, Director, DHME, H&FW Deptt, Dr. Lalremmawii, Joint Director (M), DHS, Er. H. Lalfakzuala, Sr.EE, H&FW bakah SDO(C) Kawrthah, CMO, Mamit, DCSO te'n an tawiawm a ni.