3616/2022-2023

Aizawl, the 17th February : Dr. R. Lalthangliana, Commerce & Industries Minister chuan tukin zing khan New Market-a bazar tur building pahnih sak mek a tlawh a. Pu Robert Romawia Royte, bialtu MLA, Tourism Minister ni bawk chuan he hun hi a hmanpui a ni.

Minister chuan building sak te chu quality vawn that a pawimawh thu sawiin tuna building pahnih sak mek te hi mipui tam tak chhawr tur a nih bakah hmun laili leh pawimawh taka a awm avangin building sak zawh fel thuai a chakawm thu a sawi. Dr. R. Lalthangliana chuan khawtlang hruaitute chu bazar sak mekah tawiawm zel turin a sawm a ni.

Pu Robert Romawia Royte chuan a bial chhung a hmun pawimawh sak a nih chu lawmawm a tih thu sawiin mipui tam thei ang berin an hman tangkai ngei a beisei thu a sawi.

New Market-ah hian building pahnih - ‘City Centre’ UD&PA(Smart City) hnuaiah leh Commerce & Industries sak City Centre Annexe te sak mek a ni a. City Centre Project cheng 41.59 crores man niin, he hmunah hian dawr 1105 a awm thei dawn a, Four wheeler 31 leh Two wheeler - 79 dah theih tura ruahman a ni. Cold storage, CCTV, Service life leh Office te ruahman a ni.

City Centre Annexe-ah hian dawr 135 a awm ang a, Hawkers 180 - 189 thu thei tura ruahman a ni. Two wheeler 185 leh Four wheeler 48 a park theih bawk ang. Project hi cheng nuai 3641.59 ruahman a ni.

Attachment

  • Loading attachment...