Dr. Rakesh Gupta, IAS, General Observer (Aizawl, Kolasib leh Mamit) chuan vawiin dt 29th March 2014 (Inrinni) zing dar 10:00 a.m. khan DC’s Office Chamber-ah kan hmalawk MP kan thlanna tura Mamit District a Election buaipuitu hotute a kawm.

He inkawmhona Pu R.S. Lalzamliana, District Election Officer (DEO), Mamit kaihhruaiah Dr. Rakesh Gupta, IAS, General Observer chuan dt. 9th April, 2014 a MP kan thlanna tura District inbuatsaihna lam te, Flying Squad, Police Video Surveillance Team, Video Viewing team, Model Code of Conduct (MCC) leh MCMC te thlirin hmalakna chu tha thawkhat a a hriat thu a sawi a. Kawng engkimah Election Commission of India in kaihhruaina a siam ang te zawm theuh turin a chah bawk. General Observer chuan Model Code of Conduct hman chhunga Candidate te leh leh an campaigners ten dan an zawm leh zawm loh uluk taka vil turin Officials te a chah a ni.

He meeting ah hian team hrang hrang Nodal officers te leh Sectoral Magistrate te an tel tha hle a ni.

Vawiin dt. 29.3.2014 vek hian chawhma dar 11:00 ah khan General Observer Dr. Rakesh Gupta, IAS, hian Mamit khawpuia Political Party hruaitute tlawmngai pawl hruaitute leh thuthar thehdarhtute DC’s Office Chamber-ah a kawm zui nghal a.

General Observer chuan inkawmna hun tha tak an neih avanga lawmthu hrilhin, inthlanna fel fai leh muanawm kan neih theih nana a thawihtawpa hmalak puiah a sawm a. Harsatna emaw thil hriat duh an neih chuan Telephone No. 08974931684 ah emaw. State Guest House, Aizawl-ah nitin zing dar 9-10 inkarah biak theih reng anih thu a hrilh bawk.

Political Party hruaitute pawhin Model Code of Conduct bawhchhe lova hmalak an tum thu General Observer hi an hrilh bawk a ni.

He inkawmhona ah hian Political Party hruaitute, Tlawmngai Pawl hruaitute leh thuthar thehdarhtute an tel a ni.