1339/2022-2023
Aizawl the 24th July, 2022 : Central Sorkar dawra Delhi a cham mek Dr. Vanlaltanpuia, MLA Chairman, Mizoram Youth Commission leh Vice Chairman, Higher and Technical Education Board chuan Dt. 22.07.2022 Zirtawpni khan Darmendra Pradhan, Union Minister of Education chu a Office Shastri Bhawan, New Delhi ah hmuin MZU South Campus din anih thuai theih nan a thil  pawimawh te a sawipui. 

Dr. Tanpuia chuan Mizoram mipuite a bik takin chhim lam mipuite'n MZU South Campus din hi kum rei tawh tak atanga an beisei leh nghahhlelh em em anih thu leh chumi atana a thuphunga remtihna chu Ministry atanga lehkha F. No. 13-5/2019-CU.IV Dated New Delhi 17.01.2020 hmanga an hmuh tawh thu leh an lawmzia a hrilh a. He lehkha in a phut anga  University dinna tur ram (Land) ngaihtuah tura tihna pawh State Sorkarin a bial Lunglei North AC chung Pukpui Mausep rama a ngaihtuah fel tawh thu a sawi bawk a. Class tan lailawkna atan Mizoram Engineering College building sak zawh tawh hman tum anih thu leh Chief Minister Pu Zoramthanga thahnemngaihna a a panna kawng (Approach Road), Tui connection leh Electric supply te pek tuma hmalak mek anih thu te a sawi bawk a. Hetih lai hian Ministry lam atanga he University hi amaha inchawm (self finance) tur zawnga hriattirna MZU hotute'n an dawn thu leh chu chu State rethei Mizoram tan chuan thil theih loh leh harsa tak anih thu a thlen a. MZU chu Central University anih anga Central sum hmanga enkawl anih laia South Campus bik Self Finance tur ang ngaihtuah chu thil awmlo leh in millo tak a nih thu Minister hi a hrilh a. Heng an harsatna tawh te hi lo en tha tura ngenna lehkha Chief Minister Pu Zoramthanga DO. Letter leh Dr. R. Lalthangliana Higher & Technical Education Dept Minister DO. Letter a pe nghal a ni. 

Minister chuan he an harsatna te hi a lo enzui ngei tur thu leh hemi Chungchangah hian Chief Minister pawhin a rawn biak tawh thu a lo hrilh a. MHRD Secretary leh Officials te ko nghalin he harsatna hi ngun taka bawhzui turin a hrilh a, a theih anga hetiang Centre nei dang University te pawh zirchianga umzui turin thu a pe ani. He an inkawmna thu hi Minister hian a Tweet nghal ani. 

Hemi chungchang thovah hian Dt. 21.07.2022 Ningani khan RK. Ranjan Singh Minister of State, Education chu a chenna 26, New Moti Bagh ah Pu K. Vanlalvena, MP Rajya Sabha nen an hmu bawk a. Minister chuan hemi kaihhnawih Documents leh lehkha pawimawh te a hnena rawn pe vat tur leh nasa taka a lo tan tur thuin a lo chhang ani. Manipur mi anih ang leh MZU chu Manipuri lehkhathiam tam tak thawhna anih avang pawhin nasa taka tha thawh a tum thu a lo hrilh a ni

Attachment

  • Loading attachment...