Aizawl, the 23rd July 2022: Mizoram a Fire & Emergency Services Department te chuan an din champha kum 50-na pualin vawiin khan hnatlang runpui an nei a. He hunah hian Mizoram pumpui a Fire Station 14 te chuan fire tender nen thawkchhuak in vantlang hmun zunin, luikawr te, bazar leh vantlang kawng te tifaiin hnatlang runpui an nei a ni.

Fire & Emergency Services, Mizoram hi kum 1972 a ding tan a ni a. Kumin 2022 hi an kum 50-na a nih angin a lawmna peng khat atan vantlang hmun thenkhat thlan bikte tihfai hnatlang Dt. 23/7/2022 hian Fire station  hmun hrang hranga awm ten an nei a. Duty pawimawh dang avanga he ni hmang theilo te pawhin hun remchangah an hmang dawn a ni.

July 27, 2022 hian 50th Anniversary pualin Blood donation camp hi department chhunga thawkten an nei dawn a. Hemi tur hian an inbuatsaih mek bawk a. An department kum 50-na pual hian Souvenir Magazine tihchhuah leh lawmna programme hi September 1, 2022 hian neih tumin an inbuatsaih mek bawk a ni.