No.6723/2020-2021

Vawiin khan Association for Voluntary Blood Donors (AVBD), Mizoram leh Model Blood Bank, Aizawl Civil Hospital tangkawpin an buatsaih “Krismas Pual - A Thlawna Thisen Pek Runpui (Voluntary Blood Donation Drive)” hawnna inkhawm chu Model Blood Bank, Civil Hospital, Aizawl-ah neih a ni a. Health & Family Welfare Board Vice-Chairman, Dr. ZR. Thiamsanga, MLA chuan khuallian niin a hawng a ni.

Hawnna thusawitu Dr. ZR Thiamsanga chuan COVID-19 hripui leng vangin tunhma anga thisen pek dan ang khan a kal theih loh a, heti chung chunga AVBD in a remchan dang kawng hrang hrang dapa thahnemngai taka damlo leh a mamawhtu ten thisen an dawn theih nana hma an la thin chu lawmawm a tih thu a sawi a, thisen petute leh pek tuma inbuatsaihte chungah lawmthu a sawi bawk.

Model Blood Bank-a thawkte inpekna leh thawhrimna pawh fakin an indaihlohna chhuanlama hmang lovin a tul chuan chhunzan zawmin phunnawi miah lovin an thawk thin hi a chhuanawm takzet a ni, a ti a. Sawrkar laipuiin inkaihhruaina dan a siamah Civil Hospital, Aizawl blood bank-ah hian thawktu (staff) 34 awm tur a nih laiin 17 chiah an awm a, tam tak chu a nghet lova thawk an la ni tiin, an indaihlohna sawrkarin a hriat thu leh an harsatna sukiang tura hmalak mek a nih laiin COVID-19 hripui a leng thut ta si a, duh angin hmalak chhunzawm theih a ni ta rih lova, kan dinhmun a ziaawm hunah theihtawp chhuaha blood bank tihchangtlun hna kalpui tum a nih thu a sawi. Civil Hospital, Aizawl Blood bank hmang tangkaitu Aizawl khawpuia private hospital hrang hrangte chuan Blood Bank nathawh tihchak lehzual a nih theih nan technician rawihna tur thla tin Rs. 50,000/- (singnga) thawh an tum thu sawiin an chungah lawmthu a sawi nghal bawk a ni. Midang nunna chhanna tura 

thisen a thlawna pe thintu YMA, Kohhran, Mimal, leh pawl hrang hrang chungah lawmthu sawiin AVBD chu thang zel turin duhsakna a hlan bawk a ni. 

Khuallian hian AVBD leh Model Blood Bank, Civil Hospital ten an hmalakna kawnga an hman tangkai turin Rs. 5000/- ve ve a hlan bawk a ni.

AVBD President Pu C. Lalnunnema pawhin hun engemaw chen chu kumtin krismas leh kumthar pualin a thlawna thisen pek runpui an buatsaih thin thu a sawi a. An buatsaih chhan chu kum tinin Krismas leh kum thar vuak vet lai hian thisen petu an tlem thin a, chutih laiin thisen mamawhtu chu a pung zawk mah emaw tih tur a ni a. Hunpui anih avang hian rikrum thil leh accident avang tein thisen hi thla dang zawng aiin kan mamawh tam mah zawk emaw tih tur a ni thin a, YMA leh kohhran bakah pawl anga thisen pek hun buatsaih a remchan loh thin vangin AVBD chuan Blood bank te nena tang hovin beiseina sang tak neiin Krismas puala thisen pek runpui hi rinnain an buatsaih thin a ni, a ti. 

Kum kalta 2019 khan Association for Voluntary Blood Donors (AVBD) buatsaih Krismas puala thisen pek ah Aizawl Civil Hospital Blood Bank ah unit 458 leh Synod Hospital, Durtlangah unit 69, a vaiin unit 527 pek a ni.

A thlawna thisen pek runpui hi December ni 1 atanga ni 30 (1-31 December, 2020) thleng neih a ni dawn a, kum dang ang lovin kuminah hian District Blood Bank dangah pawh AVBD Branch hrang hrang nen tangrualin buatsaih a ni. Nitin chawhma dar 10 atanga chawhnu dar 2 (10:00 AM - 2:00 PM) inkarah a thlawna thisen pe duh tan district tina blood bank te an inhawng dawn a ni. College leh Higher Secondary School hrang hranga zirlai NSS volunteer ten hun insiamremin thisen hi an pe dawn a, anni bakah hian mimal leh pawl angin thisen pek a theih reng bawk a, COVID-19 hrileng vangin sawrkarin ruahmanna a siam te uluk taka zawm tur a ni bawk a ni.

Association for Voluntary Blood Donors (AVBD), Mizoram  chuan an thil tum ber chu Mizorama thisen pek zawng zawng hi a thlawna pek (100% Voluntary Donation) nih tir hi a ni tih an sawi a. Nikum 2019-20 khan VBD percentage hi zaah 90.91 a ni thu sawiin, Kumin sawrkar kum kallai (2020-21) April-October (thla 7) chhungin 91 % (14882 ah 13574) a ni, an ti a.  AVBD thil tum tihlawhtling tur hian mi zawng zawng tan hona a pawimawh thu leh mipuite tel lova tihhlawhtlin theihloh a nih thu tarlangin, heng thisen a thlawna kan pek thin hi ram tan, mipui tan leh damlo mangang te tan a ni an ti a, thahnemngai taka thisen pe turin mi zawng zawng a thei apiang an sawm a ni.

April – October, 2020 chhunga Mizorama Blood bank hrang hranga  thisen lak dan :

SI

No

Blood Bank

Total Collection

Total Voluntary

Voluntary

%

Camp Organized

Collection at Camp

1

2

3

4

5

6

7

1

Civil Hospital, Aizawl

7577

7070

93.31

124

4075

2

Synod Hospital, Durtlang

1345

947

70.41

28

699

3

District Hospital, Champhai

845

773

91.48

20

569

4

District Hospital, Kolasib

664

601

90.51

13

490

5

Civil Hospital, Lunglei

1356

1288

94.99

36

842

6

Christian Hospital, Serkawn

663

636

95.93

20

486

7

District Hospital, Serchhip

756

714

94.44

20

598

8

District Hospital, Lawngtlai

748

628

83.96

22

581

9

District Hospital,Saiha

579

576

99.48

21

472

10

District Hospital, Mamit

250

242

96.8

12

163

 

 

 

 

 

 

 

11

Zoram Medical College

99

99

100

1

 

 

Total :

14882

13574

91.21

317

8985

Attachment

  • Loading attachment...