No.1319/2021-2022

Vawiin khan Dr. ZR Thiamsanga MLA, Vice Chairman, Health and Family Welfare Board leh Chairman, Covid-19 Medical Operational Team ni bawk chuan Kulikawn a Covid-19 vei te enkawlna 4C a tlawh a.

Dr. ZR Thiamsanga hian Kulikawn 4C tan hian an mamawh pawisa fai bakah face Mask, Pulse Oxymeter leh hand sanitizer thahnem tak a pe bawk. Heng a thil pek hi Kulikawn 4C enkawltute lam aiawhin Upa Denghmingthanga'n a dawng a ni. Dr. ZR Thiamsanga, Chairman, Medical Operational Team chuan he hunah hian thusawina hun tawi hmangin Mizoram pum a VLTF, LLTF, tlawmngai pawl hrang hrang leh Kohhranho inpekna chu ropui a tih thu sawiin hetiang a thawhhona tha hi ram dangah hmuh tur a awm ve a a hriat loh thute bakah thawhhona tha tak a awm thin avangin lawmthu a sawi bawk a ni.

Vawiin vek khan Dr. ZR Thiamsanga chuan a bial chhung Vengsang Branch YMA Champhai hnenah Oxygen Concentrator chu a mamawh a piang te hman turin Block hruaitute kaltlangin a hlan bawk.