No.1466/2021-2022
Aizawl 19th July 2021: Vawiin ni 19th July 2021 khan Sawrkar ruahmanna bawhzuiin Dr. ZR Thiamsanga MLA, Vice Chariman Health and Family Welfare Board leh Chairman, Covid 19 Medical Operational Team kaihhruainain Health Department hotute leh Covid 19 Medical Operational Team(MOT) tangkawpte chuan AMC huam chhungah Lockdown laia Test Runpui neih dan tur uluk takin an ngaihtuah a. He meeting hian a ruahmanna ang chuan naktuk ni 20th July 2021 atang hian Covid 19 Test Runpui chu heng veng hrang hrang Chhinga veng, Armed veng South, Saron veng chhim lam Khuangchera Section, Bethlehem Vengthlang, Electric Veng leh Tuirial ah te neih tum a ni. Inrinni kalta lam khan MOT leh Chief Medical Officer Aizawl West tangkawpte chuan Chanmari West ah Test Runpui hi hlawhtling takin an lo nei tawh bawk.

Mass Testing Runpui neih dan tur ngaihtuahnaah hian Principal Director, Health Department, Director Health Services, Director DHME, State Nodal Officer leh Health Department mi pawimawh tak tak te an tel a ni. Ruahman ang chuan hun reilo te chhungin Aizawl khawpui chhung leh a chhehvel hri kai tamnaah Test Runpui hi neih zawh tum a ni.

Attachment

  • Loading attachment...