No.6528/2020-2021

Vawiin ni 13 November 2020 khan Dr. ZR Thiamsanga MLA, Vice Chairman, Health and Family Welfare Board chuan a bial chhung Ngaizawl khaw tlangval Thangsiantluang S/o Khaikhatpiang, tun hnai a Mizoram University in Master Degree result hrang hrang a tih chhuah a Mizo Department atang a MA (Mizo) Gold Medalist chu a Office ah lawmpuina thilpek Laptop thar tha tak a hlan a. 

Dr. ZR Thiamsanga MLA chuan Thangsiantluang chu a hmalam hun kal zel turah duhsakna hlanin, zoram kil mi tam zawkin an hriat mang loh a tanga hetiang dinhmuna a ding thei chu a chhuanawm a tih thu a sawi a. Thangsiantluanga chu research ti chho zel a, PhD pawh chhunzawm ngei turin a fuih a. Dr. ZR Thiamsanga chuan zirna hi ram leh hnam hmasawnna hnuk, eng hna pawh thawh nana pawimawh a nih a vangin kan hlamchhiah thei lo va. Tun hnaia pawm tak New Education Policy duangtute phei chuan zirna hi India ram min chawikang theitu ber a ni tih a hriat a vangin tuna kan zirna kalphung pawh nasa takin a rawn her danglam chho va. Nasa zawka research lam NEP hian a uar chhoh dawn avangin kan ram a zirlaite pawhin theih tawp kan chhuah tak zet a ngaih tur thu a sawi bawk.