No.7093/2020-2021    

     Ni 8 January 2021 zan dar 10 vel khan Dr. ZR Thiamsanga MLA, Vice Chairman, Health and Family Welfare Board chuan a bial chhung Rahsi Veng Champhai tlangval Rohmingthanga S/o Vanmawia, ni 6 January 2021 a chin hriat lova a hnathawhna a tanga bo ta zawnna hmun Tualpui khaw dai khan a tlawh a. Dr. ZR Thiamsanga chuan a bial chhung tlangval ngei Tv Rohmingthanga chin hriat loh a awm mek chuan a rilru a luah tlat thu te leh a ngaih pawimawh avanga programme ruahman lawk a neih mek te pawh kalsana, a tih theih tawk tlawmngai tak a chhun zan zawma Tv Rohmingthanga zawngtu te tlawh thuai chu a tul a tih em vanga a zan a zan a chu lai hmun chu tlawh a nih thu a sawi a. Tin, Dr. ZR Thiamsanga chuan dam taka Tv Rohmingthanga chu hmuh leh ngei a beisei thu te, bo zawngtu tlangval tlawmngaite pawh tluk sual palh te a awm loh nan fimkhur taka ram pilril tak takah pawh vak tura chahin, mi bo zawngtute ei leh in tur mamawh zualpui phuhruk nan buhfai bag hnih, dailuah bag khat, silpauline pathum leh cheng sangnga a hlan bawk. 

     Dr. ZR Thiamsanga hian veng leh khaw hrang hrang a tlawhnaah damlo, damdawiin pan remchang thei lo te a remchan dan ang angin a en nghal zel bawk a ni.

Attachment

  • Loading attachment...