No.7094/2020-2021   

Animal Husbandry and Veterinary Department hnen atanga thu dawn chuan Mizoram thenawm State, Assam leh Arunachal Pradesh-ah Vawk natna hlauhawm tak African Swine Fever (ASF) hri a leng mek a, he hri avang hian thenawm ram Myanmar-ah pawh Vawk thahnem tak an thi mek bawk a ni. He natna hi tualchhung Vawk leh Sanghal te'n an vei theia, tih dam theih loh leh Vawk tana inkaichhawn awlsam tak a ni bawk.

Khawzawl  District-ah he natna hrileng hi a darh lohna tur leh mipui te'n harsatna leh buaina an tawh lohna turin Pu Zothanmawia, District Magistrate, Khawzawl District chuan Sec 144 CrPC, 1973 (2 of 1974) in thuneihna a pek angin a hnuaia khapna thupek hi Khawzawl District mipuite zawm turin a chhuah.

1) Khawzawl District chhungah khawi atang mahin vawk, vawksa rep leh vawksa atanga thil siam reng reng lak luh phal a ni lo.
2) Vawk damlo an awmin District Veterinary Hospital-ah report vat tur a ni.
3) Vawk talh tur te'n Vawk hrisel tha chauh an talhin an zuar tur a ni.
4) Vawk vulhtu/neitute'n Vawk damlo an hralh tur a ni lo.
5) Vawk thi reng reng uluk taka phum tur a ni.

He thupek zawm lo te chu thubuai siamsak an ni ang a, IPC Sec. 188 hmanga hrem theih an ni ang. He thupek hian chhuah a nih atanga thla hnih (2) chhung a huam ang.
He thupek hi Pu Zothanmawia chuan District Magistrate Seal-a nemnghetin January Ni 8, 2021 khan hming a ziah hnan a ni.