No.3231/2020-2020

Vawiin ni 19 July 2020 khan Chief Minister leh Minister,  Health and Family Welfare ruahmanna angin Dr. ZR Thiamsanga MLA, Vice Chairman Health and Family Welfare Board chuan East Tuipui huam chhunga lirnghing tuarte a tlawh  kual.

Khuangleng Sub Centre tlawhin an dinhmun leh harsatna a en hnuah Khawbung ah kal lehin mipuiten lirnghing an tawrh dan leh lirnghing a vanga rilru leh taksa lama harsatna an neih te chu a hmunah a en zel a. Dr. ZR Thiamsanga chuan lirnghing chu mihring te tih theih piah lam a nih avangin khawvel mithiam te pawhin a danna leh a lo thlen hun tur an hriat theih loh avangin mipui te chu rilru fim taka awm tura chah a.  Pathian pawhin kan chhiat rup hi a phal a rin loh thu sawiin, Chief Minister zahawm tak Pu Zoramthanga pawhin East Tuipui huam chhunga lirnghing tuarte chu a hriat reng thu leh a endik tura mithiam a tirh thu te, Central lamah pawh he lai dinhmun zirchiang tura ngenna a thlen thu a sawi bawk.

Dr. ZR Thiamsanga leh a mah zuitu Medical team te hian Khawbungah damlo leh lirnghing vanga harsatna nei mi 46 lai te dinhmun enfiahin, damdawi pawh a thlawnin an sem nghal zel bakah Khawbung PHC tan tanpuina pawisafai a hlan bawk. Khawbung a hun an hman zawh hian Samthang pan leh in a thlawna in entirna an buatsaih leh bawk a ni.

Dr. ZR Thiamsanga hi Dr. R. Lianmawia, Chief Medical Officer Champhai Dr. Zatluanga,Senior Medical Superintendent, Dr. J Lalramchhuanga Specialist, Dr. R Vanlalchhuangi, Dr. Dr. KT Lalrammawia leh PC Lalmuansangpuii Staff Nurse Civil Hospital Champhai ten an ṭawiawm bawk a ni.