No.3232/2020-2020

Health Minister Dr. R. Lalthangliana chuan tunhnaia Mizoram khawchhak tlangdung a lirnghing vanga mahni chenna in a riak ngamlo, khawlai leh hmun zawl remchanga riak chhungkaw tam tak an awm avangin Health & Family Welfare Department hnuaia Daktawr rual team 3 ah then in lirnghing in a ngawng khua zawng zawng an tlawh chhuak vek dawn tih a sawi.

Health Minister chuan daktawr rual te hi Team khatah pathum zel an awm dawn tih sawiin naktuk hian Champhai district panin Aizawl an chhuahsan ang a, damdawi chi hrang hrang bakah mipuite mamawh thildang pawimawh engemawzat an keng dawn, a ti.

Khawchhak tlangdung a lirnghing vanga harsatna tawk mipuite tanpui tura daktawr rual kal turte chu :

Team - 1 :
Leader :
Dr. C. Lalhrekima, Consultant Psychiatrist, Kulikawn Hospital, Aizawl
Members :
1) Biakhluzuali Chenkual, Clinical Psychologist, Kulikawn Hospital, Aizawl
2) Dr. Lalthafala, Senior Resident, Zoram Medical College, Falkawn

Team - 2 :
Leader :
Dr. Ruth Lalmuanpuii, Consultant Psychiatrist, Kulikawn Hospital, Aizawl
Members :
1) Dr. PC Lalawmpuia, Specialist, Aizawl Civil Hospital
2) Vanlalmuani, Clinical Psychologist, District Mental Health Programme, Champhai

Team - 3 :
Leader :
Dr. Zothantluanga, Consultant NF, Aizawl Civil Hospital
Members :
1) Dr. Lalhriatpuia, Senior Resident, Zoram Medical College, Falkawn
3) Jane Lalduhchhungi Vanchhawng,
Clinical Psychologist, District Mental Health Programme, Aizawl

Dr. R. Lalthangliana chuan a enkawl mek Geology & Mineral Resources department mithiamte pawhin lirnghin hmasak June thla kha ni 9 chhung zet a hmunah chamchilhin an zirchuang tih sawiin, tunah pawh che chhuak turin an inruahman mek tih a sawi bawk.

Khawchhak tlangdunga lirnghing tuarte thlamuan turin Transport Minister Pu TJ Lalnuntluanga, Champhai South MLA ni bawk a cham mek a, nimin khan Champhai North MLA, Dr. ZR Thiamsanga leh East Tuipui bialtu MLA Pu Ramthanmawia te an chho bawk a ni.