No.65/2021-2022

Aizawl, 9th April, 2021: Vawiin ni 9th April 2021 hian Dr. ZR Thiamsanga MLA, Health and Family Welfare Board chuan India International Friendship Society (IIFS) hnen atangin India khua leh tui, ram chhung leh pawna awm, mi dang te tana hnathawk tha chawimawina Rashtriya Gaurav Award chu a dawng . He chawimawina hlan inkhawm hi vawiin ni 9th April 2021 khan India International Centre, Max Muller Marg, New Delhi-a India International Friendship Society (IIFS) programme Seminar on Economic Growth and National Integration-ah neih a ni a. He chawimawina hian Trophy bakah Certificate of excellence for meritorious services a keng tel bawk a ni. He award dawng tura thlan a nih chhan IIFS ten an ziah dan chuan Dr. ZR Thiamsanga hian midang ten nunna an neih nan theih tawp a chhuah vang te, midang te fuih leh cho tho tura thil chhinchhiah tlak tak tak a tih avang a ni tiin an ziak bawk. Dr. ZR Thiamsanga MLA hi hripui leng mek avanga he chawimawina dawng tura a kal thei loh avangin, he chawimawina hi Residence Commissioner, Mizoram House, New Delhi chuan a dawnsak a ni.

He chawimawina hi Mother Teresa, BD Jatti, India Vice President hlui, GVG Krishnamurthy, Chief Election Commissioner hlui, Dr. Naresh Trehan, India rama lung doctor lar te pawhin an lo dawng tawh bawk a ni.