No.1163/2021-2022

Dated Champhai, the 28th, 2021: Vawiin khan Health & Family Welfare Board Vice Chairman Dr.Z.R Thiamsanga, Champhai North bialtu  MLA chuan a bial chhung Indo-Myanmar ramri dep khuate - N.Diltlang, Hnahlan, Khuangphah leh Vaikhawtlangte a tlawh.

Dr. Z.R Thiamsanga hian Covid-19 hrileng laka himna tura Indo-Myanmar ramri  Ṭiau kama riahbuk sa a rammute khawchhiat vangin tlawh thei lo mahsela, khawchhunga VLTF office hrang hrang tlawhkualin an dinhmun leh harsatnate a ngaihthlaksak a, a theih ang anga tuamhlawm an nih tur thu leh a bial chhungah chhuanchham an awm lohna turin theihtawp chhuah zel a nih tur thu a sawi bawk.

Champhai North bialtu MLA chuan VLTF hrang hrangte Ṭiau ramri depa duty-te tan silpaulin, hand sanitizer, face mask leh a ṭul ṭula an hman atan sumfai hetiang hian a pe ṭheuh bawk:

1. N.Diltlang - Rs 10,000/-
2. Hnahlan - Rs 20,000/-
3. Khuangphah - Rs 10,000/-
4. Vaikhawtlang - Rs 10,000/-

Dr. Z.R Thiamsanga hi Pi Esther Leihang, SDC & DLAO Champhai leh khawtlang hruaituten an tawiawm a ni.