Vawiin khan DC Conference Hall, Mamit-ah Draft Electoral Roll 2019 chu Pu Jacob Lalawmpuia Addl DC, Mamit chuan a tlangzarh.

Pu Jacob Lalawmpuia chuan a hun taka draft Roll tarchhuah a nih theihna tura Election Branch a thawktute  chungah lawmthu a sawi a, hunpui kan hman zawh hlim a ni a, hun chep tak kara Political Party te leh NGO te hriattir an ni chunga he hun ngai pawimawha kalkhawmte chungah lawmthu a sawi bawk.

Draft Electoral Roll 2019 tlangzarh takah hian Mamit District chhunga Polling Station 116 awmah vote nei mi 65484 an awm mek a, Mipa 33286 niin Hmeichhia 32198 an ni. Final Roll hnuhnung ber atanga punna hi 0.64% a ni. 

1-Hachhek (ST) chhung vote nei tamna ber hi Zamuang Polling Station niin voters 1117 an awm a, a tlemna ber hi Sotapa niin Voters 119 an awm a ni. 2-Dampa(ST) huamchhungah W. Phaileng Dinthar I Polling Station ah Voters 945 awmin a tamna ber a ni a, Zopui Polling Station ah Voters 46 awmin a tlemna ber a ni thung, 3-Mamit Polling Station-ah hian Damparengpui II Polling Station ah Voters 1044 awmin a tamna ber a ni a, Dilzawl Polling Station-ah Vote 161 awmin a tlemna ber a ni. 

Draft Roll 2019 tarchhuah ah hian qualifying Date atan 1.1.2019 a ni a, hming thun luh, siamthat leh paih ngaite tan February 11, 2019 thleng hun hawn a ni ang.

Vawiin Draft Electoral Roll 2019 tlangzarh tak hi Political party hrang hrang te hnenah soft copy pek nghal an ni a. He hunah hian  Political Party hrang hrang aiawh, Tlawmngai pawl atangin Sub Hqrs MHIP aiawh leh thutharthehdarh tute an tel a ni.

Attachment

  • Loading attachment...