Vawiin khan Pu R.S Lalzamliana Addl D.C, ERO ni bawk chuan a Office Chamber-ah Special Summary Revision 2014 neih dan turte leh Draft Roll puanchhuahna a nei.

Pu R.S Lalzamliana ERO chuan Election Commisiion of India in hriattirna a chhuah angin vawiin Dt 16th December 2013 hian Draft Electoral Roll tarchhuah a ni a. Hming thunluh/paih/siam that dil hun chhung atan 16th-31st December 2013 a nih thu te, khawtlang hruaitute nena Electoral Roll enfiah leh sawiho hun atan 21st December 2013 leh 28th December 2013 ruat anih thu te, Dilna form hrang hrang dawn khawm BLA leh Political party nena sawiho hun atan 28th December 2013 ruat anih thu te, form lut chi hrang hrang chinfel hun atan Dt 10th January 2014 ruat a nih thu te, Vote nei tharte EPIC siam leh Supplement chhut hun a tan Dt 18th January 2014 ruat a nih thu leh Final Electoral Roll tarchhuah hun a tan Dt 21st January 2014 ruat a nih thute sawi ho a ni.

Tun dinhmuna Mamit District Constituency pathum-ah Vote nei te chu a hnuaia mi ang hi a ni.

1- Hachhek ah Mipa 10752, Hmeichhia 10384 awmin avaiin Votes nei mi 21136 an awm a, 2- Dampa ah Mipa 8307 awmin Hmeichhia 7851 an awm a avaiin mi 16158 votes nei an awm a ni. 3- Mamit-ah Mipa 10006 leh Hmeichhia 9733 niin votes nei 19739 an awm bawk a ni. Mamit District pumpuiah Votes nei Mipa 29065 leh Hmeichhia 27968 an ni a, Vote nei zawng zawng mi 57033 niin Service Voters 109 an awm bawk a ni. He hunah hian Political Party hrang hrang hruaitute, leh thuthar thehdarhtute an tel a ni.