Aizawl Municipal hnuaia Ward 19 huamchhunga Polling Stations 174 Draft Electoral Roll chu ni 1.12.2011 khan Ward tinah tarchhuah a ni a. Draft Electoral Roll ah hian Elector 168649 awmin chung zinga 80390 chu mipa niin 88259 chu hmeichhia an ni. Ward 19 huamchhungah hian MERO pali leh AMERO 9 awmin Polling Station tinah hian Enumerator pakhat theuh ruat an ni bawk. Draft Electoral Roll hi DC office, Aizawl bakah MERO/AMERO/Enumerator leh Local Council Chairman te hnenah en theihin a awm a ni.

Mi tupawh hming thun luh duh emaw paih duh emaw siamthat duhte tan mahni bialtu MERO/AMERO/Enumerator te hnenah dilna Form III, IV leh V hmangin vawiin 2.12.2011 atanga ni 14.12.2011 thleng thehluh theih a ni ang.