Assembly Constituency pathum awmna Kolasib District Draft Photo Electoral Roll, 2017 chu vawiin tlai khan Kolasib DC Conference Hall-ah District Election Officer leh Deputy Commissioner  ni bawk Pu H.Lalengmawia chuan a tlangzarh.

Pu H.Lalengmawia chuan Kolasib district-ah Roll revision tha taka neih thin a ni a, hna tha taka thawh chhunzawm zel a pawimawh thu sawiin, hemi kawngah NGO leh political party ten official te tawiawm tha turin a ngen a ni.

Draft Photo Electoral Roll, 2017 hi Election Commission of India in tlangzarh hun tura a ruat anga tlangzarh a ni a, Special Summary Revision of Photo Electoral Roll, 2017 neih chhunzawm nghal a ni ang. Hemi atan hian 1^st January, 2017 a kum 18 tling tur leh tling chin te tan Electoral Roll a chuang tura dil theih a ni ang. Hei bakah hian hming thunluh, paih leh siamthat duh te tan hun hawn a ni anga, bialtu BLO hnen atanga Form lachhuakin vawiin 15^th September, 2016 atanga 14^th October, 2016 chhungin dilna thehluh tur a ni.

Tun Draft Photo Electoral Roll, 2017 tlangzarh takah hian Assembly constituency tinah mipa voter ai hmeichhe voter an tam zawk a, Bru voter 2746 awmin, heng zinga 1708 te chu Tripura Transit Camp a awm te an ni a. 2011 census-a Kolasib District a mipui awm zat 83955 atanga chhutin district chhunga vote nei zawng zawng hi 63.88% a ni. Draft Photo Electoral Roll in a tarlan dan in Kolasib District dinhmun chu hetiang hi a ni:

 Tun dinhmunah Kolasib district ah hian Polling Station 76 a awm mek a, Kolasib Venglai – IV leh Saidan Tuitha Veng atangin Polling Station tharsiambelh tura hmalak mek a ni. Karleh  hian district chhunga Sub-division pathum-ah BLO te training pek an nih tur thu Pu Mark Lalthanliana, Election Officer chuan a tarlang a ni.