Vawiin khan Mamit DC Office Chamber-ah Draft Electoral Roll, 2015 chu Deputy Commissioner leh District Election Officer ni bawk Pu Vanlalngaihsaka’n a tlangzarh.

Pu Vanlalngaihsaka chuan kum tling tawh Electoral Roll a awm silo an tam thin chu ECI in a ngaihpawh thu sawiin, kum tlin velah Electoral Roll a dah luh an nih theih nan tanlak a ngaih thu a sawi a. Mitthi tawh hming paih chungchangah pawh tanlak a ngaih thu a sawi bawk.

Election Officer Pu Malsawmtluanga chuan Draft Roll-ah hming paih a tam chhan chu NERPAP hnuaia Roll thlitfim hna kalpui vang a nih thu a sawi bawk.

Tun tum Draft Roll tlangzarh ah hian Mamit District chhungah Vote nei mipa 30366 awmin hmeichhia 29348 an awm a, vote nei zawng zawng hi 59714 an ni a, service voter 200 an awm a ni. Electoral Roll January 15, 2015 tlangzarh anih hnuah mi 243 vote nei thar awmin, mi 277 hming paih a ni a, 2041 siam that a ni.

Tripura Transit Camp a awm Reang(bru) vote nei zat chu 8620 an ni.

Vawiin Draft Roll tlangzarh a nih atanga October 14, 2015 thleng siamthat ngai te siamtha tura dilna thehluh theih a ni