Vawiin khan Champhai DC Conference Hall-ah Addl. DC leh ERO ni bawk Pu C. Lalzarliana chuan Assembly Constituency panga awmna Champhai District Electoral Draft Rolls, 2016 chu a tlangzarh.

Electoral Draft Roll tarchhuah takah hian Voters 80,599 awmin, mipa 39,606 leh hmeichhia 39,910 bakah service voters 1,083an awm a. General Electors zingah mipa aiin hmeichhe voter 304 in a tam zawk a, Service Elector zingah erawh mipa 902 an awm laiin hmeichhe voter chu 181 a ni thung.

21-Lengteng A/C ah elector 16,599 awmin, 22-Tuichang A/C ah 15,399 an awm a. 23-Champhai North A/c ah 17,707 awmin, 24-Champhai South A/C ah 16,510 an awm bakah 25-East Tuipui A/C ah voter 14,384 an awm thung a ni. Champhai District chhungah hian DEO pakhat, ERO 5 leh AERO 5 an awm a, BLO 134 awmin Polling Station 134 a awm bawk. Vawiin Draft Roll tlangzarh a nih hnu hian BLO te tan training buatsaih chhunzawm a ni.