Vawiin khan Drafting Committee on "The Mizoram Drugs(Controlled Substances) Rules, 2017" chu Chairman Pu R. Lalrinawma, Dy. Speaker, Mizoram Legislative Assembly hovin an thu khawm a. Meeting ah hian Mizoram Drugs(Controlled Substances) Rules, 2017 chu uluk taka ennawn a nih hnuiin Cabinet Meeting a pharh turin lungrual taka pawmtlan a ni a. Draft Rules hi Cabinet-in a pawm chuan hman theih nghal a ni ang.
Drafting Committee on MDCSR 2017 chuan Mizoramah Drugs leh a kaihhnawih ruihhlo hmansual leh diklo taka sumdawn nana hmang mek te avanga harsatna te chu dan hman mek, Drugs and Cosmetic Act, 1940 te, Narcotics Drugs and Psychotropic Substances Act, 1985 te, Assam Drugs Control Act, 1950 leh a dang te chuan a chingfel theilo tih an tarlang a. The Mizoram Drugs(Controlled Substances) Rules, 2017 hman a nih chuan damdawi kaihhnawih thila buaina leh danbawhchhiatna te chu felfai zawka chinfel a anih tur thu Drating Committee chuan a tarlang a ni.
Vawiin a thukhawm, Drafting Committee chuan The Mizoram Drug(Controlled Substances) Act, 2016 lo duang tawhin Mizoram Legislative Assembly pawhin ni 07.12.2016 khan a lo pass tawh a. Chairman bakah Commissioner/Secy. Health & Family Welfare Deptt(Member Secretary), Secretary, Social Welfare Deptt, Secretary, Excise & Narcotics Deptt, DIG (CID), Director, Social Welfare Deptt, Director, Health & Family welfare Deptt, Commissioner, Excise & Narcotics Deptt, Director, Forensic Deptt, Joint Director, Food & Drugs Control, H&FW, SP (CID) leh Consultant, Social Welfare Deptt te chu he committee pawimawh tak ah hian an awm a ni.
