205/2025-2026

Aizawl; 16th April,202t: Vawiin chawhnu dar 1:00 khan DC confrence Hall-ah Ngaizel leh Hlimen kham atanga lungtla thin tihrem dan tur ngaihtuahin Dr.C.Sawmliana,Chief Scientist,CSIR-CIMFR(Council of Scientific and Industrial-Central Institute of Mining and Fuel Research) hovin Aizawl District Disaster Management Authority (ADDMA) puipa te nen meeting an nei. Meeting hi ADDMA chairman leh Aizawl DC ni bawk Er.Lalhriatpuia,IAS in a kaihruai a ni.

Dr.C. Sawmliana hi Good Friday hmang tura Mizorama lo  haw  lai niin, Indian School  of Mines,Dhanbad-a  Engineering zirpui thin(Kum khat-a Junior) Aizawl Bawrhsap Er.Lalhriatpuia IAS sawmna ngai pawimawhin a hovin vawiin meeting hi neih a ni.

Vawiin meetingah hian Ngaizel leh Hlimen kham atang lung tla thin leh lei tawlh awm thin chu engtia inven/tihnep tur nge? tih ngaihtuahin khunkhan taka sawiho a ni.

Vawiin meetingah hian Ngaizel leh Hlimen kham leh a leilung chungchanga expert Dr.Laldinpuia,Associate Professor,MZU leh Dr.Remruatfela,Asst.Professor,PUC ten Power point presentation hmangin Ngaihzel leh Hlimen kham leh a leilung an lo zir tawhna chanchin chu an entir a, a inven dan leh tihnep dan(  preventive leh mitigation measures) te an tarlang bawk. kan  mithiam te chuan Real time Landslide early warning system chu a rang lama Ngaizel leh Hlimen bakah Aizawl AMC huam chhunga lei min awm thinna hmunah te dah thei ni se, ti in rawtna an nei.

Dr.C.Sawmliana chuan permanent  solution a awm theih nan rawtna a neih ang ang te tarlangin, Mizorama kan mithiam te nen tangho in hetiang lama expert company te DPR siam tir a, anmahni thawhtir nghal a that  thu a tarlang a. Permanent  solution  nei tur chuan sum sen a sang dawn a, DPR felfai tak nen Central lama thehluh vat chu a kawng hmang ber ni a hriatthu a tarlang bawk.Mizorama kan mithiam ten Research an lo nei tawhna data te chu tha a ti thu tarlangin, a la tangkai hle dawn a ni, a ti.

Landslide Early Warning System hi cheng nuai 13 vel sengin 50 vel lei thei turin meetingah hian report a ni a. DM&R Directorate chu lei dan tur kawng dap turin an ngen bawk.

Meeting zawhah hian  Dr.C.Sawmliana hovin ADDMA puipa te, DM&R,G&M, PWD(Road South) aiawh te bakah  sawmbik mithiam ten Ngaizel leh Hlimen an tlawh nghal a ni.