206/2025-2026

Lunglei, 2025 Ṭau thla ni 16: Deputy Commissioner, Lunglei leh Project LEAP (Lunglei's Empowerment for Access and Equity for all Persons) hma lakna hnuaiah Lunglei Municipal Council huam chhunga Persons with Disabilities (Vohbik)-te tan, 22nd April - 26th April, 2025 chhung hian OPD, Civil Hospital, Lungleiah Health Assessment Camp buatsaih a ni dawn a. He hunah hian Disability Certificate/UDID la nei lote tan ID a siam theih dawn a. ID siam turte chuan Disability Certificate dilna form an lak chhuah hnuah Doctor an rawn tur hnenah assessment tih tur a ni ang. Documents ken tel turte chu a hnuaia tar lan ang hi a ni:

I. Passport size photo (copy hnih)
II. Aadhaar Card Xerox copy

Tin, Disability Certificate/UDID nei tawh, 40% benchmark disability te'n Artificial Limbs Manufacturing Corporation of India (ALIMCO) hnen aṭangin an mamawh ang puitu (aids) leh hmanrua (appliances) te an dawng thei ang. Tin, senior citizen (kum 60 chin chung lam) te pawhin an mamawh ang puitu leh hmanrua te an dawng thei bawk ang.

Health Assessment Camp neih chhunga Doctor rawn theihte chu a hnuaia tar lan ang hian a ni e.

(1) Jacob Challiandinga, Clinical Psychologist
Duty hun: April ni 22 - 26 (ni tin) 9:30 a.m. - 1:00 p.m.

(2) Dr Jimmy Lalnunpuia, ENT
Duty hun: April ni 22 (Tuesday), 24 (Wednesday) & 26 (Saturday) 9:30 a.m. - 1:00 p.m.

(3) Dr Laldinmawii, Eye
Duty hun: April ni 23 (Wednesday) & 25 (Friday) 9:30 a.m. - 1:00 p.m.

(4) Dr Joseph Lalrindika Chawngthu, Ortho
Duty hun: April ni 22 (Tuesday), 24 (Thursday) & 25 (Friday) 9:30 a.m. - 1:00 p.m.

He hunah hian Local Council tina chairman-te chu an veng chhunga vohbikte hrut chhuak a, he camp-ah hian a ṭul anga hruai turin ngen an ni a; kal man senso pek an ni lo vang.

Hemi nia lo kalte tan help desk buatsaih a nih dawn avangin help desk hi pan hmasa turin kan inhriattir e.

Hemi chungchanga zawh fiah duh neite tan a hnuaia tar lanah hian zawh fiah theih reng a ni e.

Hming : V. Lalrengpuii
Phone No.: 8798504095