207/2025-2026

Aizawl, the 16th April, 2025: Mizoram sorkar chuan mipuite hnena buhfai tha, hnianghnar leh buk dik taka pe turin tha thlah lovin theihtawp a chhuah a. Hetih mek lai hian Food, Civil Supplies & Consumer Affairs (FCS&CA) Department-in buhfai a lak khawm leh Supply Centre hrang hranga mipui ei tur a sem chhuah tur phurtute'n kawng lakah an hralh thin a ni tih finfiah a ni a. Buhfai hralh thentu lakah First Information Report (FIR) theh luh tawh a ni. 

Hetiang thil thleng hi FCS&CA Department chuan a ngai thutak hle a, buk dik taka mipuite hnena buhfai pek chhuah kawnga hmalakna kalh zawnga harsatna thlen hi mipui chanvo dik lo taka lak sakna a ni a. Thil dik lo titute dan anga hrem turin Sorkar chuan hma a la zel dawn a, thil diklo titute do let kawnga tanrual puiah mipuite a sawm tak meuh a ni.