Vawin khan Kolasib-a D.C. Conference Hall-ah Kolasib District DRDA Governing Body Meeting neih a ni a. He hunah hian Pu K. Lalrinthanga, Serlui MLA chuan member anih angin a tel a. Member dang Tuirial leh Kolasib MLA te chu rokhawlhna avangin an tel lo thung.
D.C. Pu Dawngliana kaihhruai he DRDA Governing Body Meeting-ah hian BDO leh khawtlang hruaitu tena kum 2009-2010 chhunga IAY scheme hmanga in sak thar tur leh thawm that (upgrade) tur alo duan tawh sa te chu thlirin pawmpui (approved) a ni a. 2009-2010 atana Road site Hut sakna tur hmun thum ami chu meeting chuan a pawmsak bawk a. Roadsite Hut sakna tur pawm takte hi Thingdawl R.D Block chhungah Kawnpui south, Bilkhawthlir Block-ah Bilkhawthlir N leh Kolasib-ah Vengthar hmunah te a ni.
