Mizoram sorkar-in September ni 14 atanga Aizawl khawpui chunga taxi te intlan chhawk tura a tih chu taxi khalhtu ten duh lohna an lantir avangin vawiin ah taxi service a awm lova. Hemi avanga mipui ten harsatna an tawh chu Mizoram sorkar chuan pawi a ti a. Chief Minister Pu Lal Thanhawla chu sorkar thil pawimawh a a zin chhuah lai a nih avang leh hma lo la tura a rawn hrilh angin Chief Minister mawhphurhna la mektu Pu H.Liansailova chuan vawiin khan minister dangte leh sorkar official pawimawhte kovin a office ah hemi chungchang hi ngun takin an ngaihtuah hova. Hetiang hian Pu Liansailova chuan mipuite hnena ngenna a siam a ni.
“Pathian leh mipuite khawngaihna zarah sorkar thar a lo piang ta a. Pathian leh Mizoram mipuite chungah lawmthu kan sawi leh a ni.
Mipui thlan chhuah kan nih angin mipui tana tha turin ngaihtuahna kawng hrang hrang ah kan phak tawkin kan rilru kan seng ve thin a, kan hmalakna ah te pawh min phurpuia min fuihtu tha tak tak kan neih thin avangin kan lawm hle a ni.
Mizoram sorkar chuan Aizawl khawpui tawt lutuk tih ziaawmna turte, nunphung a lo nawm zawk leh traffic jam-a hun tam tak kan khawhral thin tih ziaawm nan ngaihtuahna tam takin a seng a. Rawn tur awm awm te a rawn hnuah, Aizawl khawpui chhunga taxi te hi an sum lakluh tikiam lo thei ang ber turin intlan chhawk dan tur a ruahman chhin ta a.
He ruahmanna avang hian mipui ten veivahna lama harsatna an lo nei palh hlauh a nih chuan sorkar chuan pawi a ti hle a, mipuite hritthiamna a ngen tak meuh meuh a ni. Hetih lai hian taxi khalhtute lam pawh lo inhnuk hniam a, sorkar thuchhuak hi lo zawm phawt turin Mizoram sorkar chuan a ngen tak meuh a ni.
Kan sorkar hun chhung reilo teah hian mipui ten sorkar min tawiawm tha-in thurawn tha tak tak te min pek thin avangin kan lawm tak meuhva. Kan hnathawh zelna turah pawh min fin chhuah zel turin mipuite kan sawm a ni.”
Mipui thlan chhuah kan nih angin mipui tana tha turin ngaihtuahna kawng hrang hrang ah kan phak tawkin kan rilru kan seng ve thin a, kan hmalakna ah te pawh min phurpuia min fuihtu tha tak tak kan neih thin avangin kan lawm hle a ni.
Mizoram sorkar chuan Aizawl khawpui tawt lutuk tih ziaawmna turte, nunphung a lo nawm zawk leh traffic jam-a hun tam tak kan khawhral thin tih ziaawm nan ngaihtuahna tam takin a seng a. Rawn tur awm awm te a rawn hnuah, Aizawl khawpui chhunga taxi te hi an sum lakluh tikiam lo thei ang ber turin intlan chhawk dan tur a ruahman chhin ta a.
He ruahmanna avang hian mipui ten veivahna lama harsatna an lo nei palh hlauh a nih chuan sorkar chuan pawi a ti hle a, mipuite hritthiamna a ngen tak meuh meuh a ni. Hetih lai hian taxi khalhtute lam pawh lo inhnuk hniam a, sorkar thuchhuak hi lo zawm phawt turin Mizoram sorkar chuan a ngen tak meuh a ni.
Kan sorkar hun chhung reilo teah hian mipui ten sorkar min tawiawm tha-in thurawn tha tak tak te min pek thin avangin kan lawm tak meuhva. Kan hnathawh zelna turah pawh min fin chhuah zel turin mipuite kan sawm a ni.”
