Vawiin chawhma dar 11:00Am khan Social Welfare Minister Dr K. Beichhua chuan   sawrkar School hrang hrang 6-a Smart Classroom 2 theuh siamte pualin, Gov't Higher Secondary School, siaha-a  Smart Classroom 2 te chu a hawng.Siaha district-ah hian Sawrkar school 6-ah  GAIL in Extramarks Foundation kaltlangin smart classroom 2 theuh an pe a ni.

MYA Multipurpose Hall-ah Smart Classroom hawn lawmna leh Edufix Mobile Apps tlangzarhna hun hman a ni a. Dr.K. Beichhua chuan khuallian niin programme hi a hmanpuia, Bawrhsap Pu Bhupesh Chaudhary chuan inkhawm a kaihruai.

Khuallian  chuan  zirlai leh zirtirtu pungkhawmte hmaah thuchah sawiin, Smart Classroom neih theihna atana hmalatu Siaha Bawrhsap Pu Bhupesh Chaudhary IAS  leh a subordinate officer te , GAIL hotute leh ExtraMarks Foundation chungah lawmthu a sawi a, smart class room hmangin Siaha zirlaiten khawvel hmundang leh India rama zirlaite an elphak ngei a beisei thu leh State topper te pawh a chherchhuah ngei a beisei thu a sawi.  Sawizelin, Minister chuan kan Pumrua leh Finnaah te, changkanna leh hausaknaah te chuan Sap pachal hi kan elphak rual a ni lo.Mahse Education-ah chuan kan elpha chauh ni lovin kan khum thei a ni.
Chutiang atan chuan
kan Pathian hian Siaha district mipuite hi mal min sawm  mek a ni, nimin lamah No-aotlah khua-ah EMRS dinna tur lungphum kan phum tawh a, vawiinah Smart Classroom hawng theih leh Edufix Apps tlangzarh theihin kan awm leh ta a ni, a ti. Ei leh bar, gas leh buhfai supply-ah kum khat chhung harsatna kan nei  tawh lote hi malsawmna a ni, a ti.

Smart Classroom hi India hmarchhak-ah a hmasa ber niin Gas Authority of India Limited (GAIL) chuan an Corporate Social Responsibility (CSR) atangin Extramarks Foundation kaltlangin an rawn siam a ni a.

Vawiin Smart Classroom hawn lawmna inkhawmah hian GAIL aiawh te, Extramarks Foundation aiawh te thusawina hun hmangin, he smart classroom hian Siaha district-ah zirna kawngah hmasawnna tam tak thlenpui ngei se tih, an duhthu sawiin, chumi tan chuan duhsakna  an hlan  bawk a ni. Edufix Mobile Apps hi Lawngtlai leh Siaha DC office te tangkawp hmalakna a ni.
 
Vawiin zingkar khan Dr.K. Beichhua chuan District Hospital hnathawh kal mek a hmunah tlawhin a enfiah nghal a, a MLA fund atanga Hospital cheina, fountain siam mek pawh a enfiah nghal.

MYA Multipurpose Hall-a hun an hman zawhah Dr Beichhua chuan Cheng nuai Rs.21/- senga a MLALAD Fund atanga sak Siaha Vaihpi MTP inpui a hawng nghal bawk.Tlailamah AH&VETY office leh Farm te tlawhin Brick hmanga fencing an siam te enin, Ran damdawiin sakna tur te pawh  en nghalin;  hmalakna  lrh hmachhawp hrang hrang te pawh a enpui bawk.