358/2025-2026

Lawngtlai the 28th April, 2025 : Vawiin chawhma dar 11:30 khan Dr.Lorrain Lalpekliana Chinzah,Adviser to Chief Minister (H&FW & A&FW) leh Lawngtlai East bialtu MLA nibawk chuan Christian Hospital, Lawngtlaia Patient Attendants Shelter a hawng. Hawnna inkhawm hi Pi Margaret J. Vanlalremmawii, District Project Officer, UD&PA Department, Lawngtlai chuan a kaihruai.

Dr.Lorrain Lalpeklian Chinzah chuan kalkhawmte hnena  lawmthu sawina neiin,  UD&PA kaltlanga  'Center for Urban Wellness scheme' hnuaia Patient Attendants Shelter - tha tak sak a ni chu thil lawmawm tak a ni,  a ti. Sawrkarin mipuite harsatna  tawh  sukiang turin hmalakna nasa tak a nei tiin, department hrang hrang hotute pawhin theihtawp an chhuah thu a tarlang. MLA chuan Lawngtlai  District mipuiten hmasawnna an neih theihna tura  'Central Scheme' awm thei ang angah chak taka hmalak a nih thu a sawi a. Patient Attendants Schelter-  chu  Christian Hospital Campus- a awm a nih angin hun lo kal zel turah  a neitu leh enkawltu tur an nihna hria a, thawktute pawhin neitu rilru pu a tangtai taka hmang leh enkawl turin a chah.

Adviser to Chief Minister chuan Sawrkar kal  mekah mitthi ruang phurh pawh changtlung  taka kalpui niin, party inthiarna awm lo in a mamawh apiang tan a thlawn a phurh thin a ni, a ti. Kut hnathawktute tan theihtawp chhuah a nih thu leh  thlai thar chi 4 lei pawh tluang taka kalpui chhunzawm zel  a nih thu a tarlang a. Christian Hospital, Lawngtlai ten MUHCS an zawm chu lawmawm a tih thu sawiin, Sawrkarin a intiam ang a atak a kalpui  tum a ni, a ti. Patient Attendants Shelter- a hman tur Fan-  5 leh carpet -a pek tur thu sawiin, Dr. Lorrain Lalpekliana Chinzah chuan kalkhawmte leh Lawngtlai mipuite chu  thawhpuiah a sawm nghal bawk. 

Pu Robin Vanlalhrina, Civil Engineer, UD& PA Department, Lawngtlai chuan technical report- a pe a. Patient Attendants Shelter hi Rs.46,79,600/- senga sak niin, Sq.Ft 1323- lian ( a vang 45 ft leh a dung 30 ft)  a ni a. Room pathuma then niin, Boys & Girls Dormitry khum 10  ve ve awmna bakah Living room, kitchen Bathroom-  5, tui dahna tur sintex 5500 ltrs dawng, Solar Water heater leh Solar inverter- te  dah a ni bawk  a.  Patient Attandants Shelter - hi Ni.21 September, 2023 atanga sak tan niin,  Ni 10 November 2024 khan  sak zawh a ni.

Patient Attandants Shelter-  hawnnaah hian Dr.Lalramzauva chuan  thu tawi sawina neiin, Rev.Fanai Lalnunmuana, Chaplain, Christian Hospital Lawngtlai chuan hlanna hun a hmang a. Pi VL Ramnunsangi, City Mission Manager, UD& PA Department, Lawngtlai chuan lawmthu sawinain hun a khar.